Artificial Intelligence Humare Liye Kis Tarah Helpful Hai, Kya Hai AI Ka Future ?

Artificial intelligence, aaj kal yeh word sunne mein bahut aam ho gaya hai, lekin kya aap wakai mein iske baare mein jaante hain? Aaj hum aapko Artificial Intelligence ke baare mein kuch jaankari dene jaa rahe hain. Jis se aapko yeh pata chalega ki yeh kis tarah se aapke smartphones aur smart devices mein work karti hai. Iske alawa yeh aane wale samay mein humare liye kitni helpful ho sakti hai aur kitni harmful, yeh bhi hum jaanenge.

 

Aapke phone mein support karne wali Siri, Google Assistant ya Alexa yeh sabhi Artificial Intelligence ka hi ek example hai. Jaisa ki iske naam se clear hota hai ki yeh human dwara machine mein develop ki gayi soch ka result hota hai, jahan aapko kuch limits ke saath kisi bhi saawal ka result dekhne ko milta hai. Aane wale samay mein yeh Artificial Intelligence jitni humare liye helpful hone wali hai utni harmful bhi ho sakti hai.

TYPES OF ARTIFICIAL INTELLIGENCE 

Jis Artificial  Intelligence technology ko hum aaj apne phone mein ya computer mien use kar rahe hain, use weak AI kahte hain. Wahin Robotic mein use ki jaane wali AI strong AI kahlati hai. Iske baad future mein jis AI technology ko use karne ka prediction hum kar rahe hain use Singularity kaha jaata hai.  Jiske andar Artificial Intelligence technology 99% tak human ki tarah work karegi.

Iss samay use ki jaa rahi AI technology mein data ko kuch defined slots mein divide kiya gaya hai, jahan aapke dwara us data ke search ke samay wah block ya slot open kiya jaata hai. Jisse aapko aapke dwara search kiye gaya data ka result dikhai deta hai. Wahin robotics mein use kiya gaya strong AI thoda advanced hota hai. Jis ka behtar example haal hi mein design kiya gaya robot SOFIA hai.  Jiski intelligence ki chalte use country ke citizenship tak de di gayi hai.

Singularity ke term mein abhi humare pass utna advance Artificial Intelligence nahi hai jo ki 99% ya uss se jyada develop ho. Reality mein iss tarah ke AI ka production aane wale samay mein kiya jaa sakta hai jo ki humare life ko smooth aur fast bana sakta hai. Lekin wahin yeh AI humans ke liye khatra bhi bana sakta hai.

BENEFITS & LOSSES 

Sabse pehle AI aur robotics se hone wale benefits ki baat karein to yeh AI humein industrial aur commercial field mein kaafi help pahucha sakta hai. Jaise AI based robots, self driving cars mein transport ke liye use kiye jaa skata hain. Jin par kuch automobile companies already work kar rahi hain. Wahin iss se hone wale loss mein aapko less man power ki jarurat padegi jo ki humans ke liye job opportunity ko kam kar dega. Iska dusra example haal hi mein launch kiye gaye AI floor cleaner bhi hain.

Agar AI singularity poori tarah se develop hoti hai to yeh aane wale samay mein kuch fields mein prediction ke kaam bhi aa sakti hai. Jahan yeh pehle se store data se information collect kar ke future mein hone wale ghatna ke liye alert kar sakti hai. Jiska sahi use climate reporting, earthquake alert mein kiya jaa sakega. Jahan iske dwara diye gaye results se humein kaafi accurate data milega.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: