April 2019 Mein India Mein Launch Honge Ye 5 Smartphones

2019 starting se hi smartphones ke trends badalte jaa rahe hain aur company new smartphones ke saath innovative technologies bhi showcase kar rahi hain. Huawei View 20 ke punch-hole selfie camera se lekar Redmi Note 7 Pro ke 48 MP camera tak, is year mein kuch new trends shaamil huye hain. Isi tarah in nayi technologies ke saath is month mein bhi kuch smartphones launch hone waale hain, jinki list aap neeche dekh sakte hain.

Realme 3 Pro

Last month Realme 3 launch karte samay, company ne confirm kiya tha ki wo jaldi hi Realme 2 Pro ka successor Realme 3 Pro ko launch karne waali hai. Saath hi Realm eke khud ye bataaya hai ki upcoming smartphone Realme 3 Pro, Redmi Note 7 Pro se better hoga, yaani ki yahaan par Snapdragon 675 ya usse achha chipset mil sakta hai. Saath hi 48 MP camera bhi lagbhag confirm bhi hai.

Expect kiya jaa raha hai ki mid of April tak Realme 3 Pro ko company India mein launch kar sakti hai.

Huawei P30 & P30 Pro

Haal hi mein Paris mein ek event ke dauraan launch huye Huawei P30 & P30 Pro ko bhi isi month mein India mein launch kiya jayega. In dono smartphones ka landing page Amazon India ki website par bhi aa chuka hai. Huawei P30 Pro, usmein diye gaye quad cameras ko lekar charcha mein hai, jahaan ismein 40+20+8+ToF MP quad cameras hain. Iske alawa 32 MP ka front camera, FHD+ OLED display aur Kirin 980 processor diya gaya hai. Huawei P30 mein triple rear cameras hain aur other features same hain.

Motorola One Vision

Motorola ka naya Android One smartphone bhi in dino lagataar rumors mein bana hua hai. Kaafi saari leaks ke baad, ye handset bhi isi month mein launch ho sakta hai. Saamne aayi leaks ke according, ismein aapko Samsung Exynos 9610 chipset milega. Saath hi Motorola ka ye first smartphone hoga jismein punch-hole selfie camera nazar aaya hai. Iske alawa dual rear cameras, rear mounted fingerprint scanner aur 3500mAh ki battery is smartphone mein shaamil hogi.

Xiaomi Mi A3

Xiaomi is month mein China mein Mi 9X ko launch karne waali hai aur maana jaa raha hai ki is smartphone ko India mein Mi A3 ke naam se launch kiya jayega. Rumors ke according, Mi A3 mein 6.4 inch ki AMOLED display, Snapdragon 675 processor, 48+13+8 MP ka triple rear camera setup, aur 32 MP front camera ho sakta hai.

Samsung Galaxy A40, A90

Samsung ne haal hi mein A-series ke kayi smartphones announce kiye hain aur jaldi hi Galaxy A90 ka launch bhi expect kiya jaa raha hai. Inmein se Galaxy A40 aur A90 ko bhi is month mein India mein launch kiya jaa sakta hai. Is range mein Galaxy A90, ek premium smartphone ho sakta hai, jismein company notchless display ke saath pop-up selfie camera dene waali hai.

Iske alawa Galaxy A40 mein 5.9 inch ki full HD+ AMOLED display, Exynos 7885 chipset, 16+5 MP ka dual rear camera setup aur One UI ke saath Android 9.0 Pie OS hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: