New Smart Features Ke Saath Launch Hui Apple Watch Series 4

Apple ka ‘Gather Around’ event finally Apple Park, California mein start ho chuka hai. Company ka first product jo showcase kiya gaya hai, wo hai – Apple Watch series 4. Is watch series ki sabse khoobsoorat cheez hai iski bezel-less edge-to-edge curved display.

Apple ke according, Watch series 4 mein, pichli baar ke mukaable 30% badi display di gayi hai. Saath hi Apple Watch series 4 aapko kayi saare new aur advanced features ke saath milti hai.

Apki health se related ismein kayi features add kiye gaye hain, jaise ki ye aapke heart rate, heart rhythm aur ECG check karte bataati hai. Isi ke saath ECG check karne wali ye world ki first smartwatch hai.

Apple Watch series ko new look aur face diya gaya hai aur ab aap apne contacts is watchface par add kar sakte hain, taaki zaroorat padne par aap unhein, ek hi tap mein access kar sakein. Iske alawa ismein aapko kayi saare dynamic watchface (wallpaper) milte hain, jaise ki fire, water, vapor, etc.

New UI aur latest design ke saath, ye watch slim aur waterproof bhi hai. Is watch ka back black ceramic aur sapphire crystal se bana hai, saath hi ismein 64 bit dual core processor ke saath next-generation S4 chip di gayi hai.

Apple Watch series 4 mein kayi saari health capabilities hain, jaise ki ECG, hard falls detection (yaani ki agar aap kahin gir jaate hain, to automatically is watch se aapke emergency contacts ko message chala jayega ki aapko chot aayi hai).

Apple Watch series ka GPS edition USD 399 (approx. 29,000 INR) mein available hoga aur iske GPS+cellular edition ki cost USD 499 (approx. 36,000 INR) hai. Ye watch series 4 26 countries mein 14th September se pre-order ke liye available hogi aur 21st September se ise stores se kharida jaa sakta hai. Halaanki abhi in 26 countries mein India ka naam nahin hai, lekin jaldi hi sabhi Apple products India mein bhi launch kiye jayenge.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: