Apple September mein Launch Karega Three iPhones: Sabhi Ke Display Panels Huye Leak

Long time se ye reports aa rahi hain ki Apple is year mein three iPhones launch karne waala hai jismein pichle saal aaye iPhone X ka successor bhi shaamil hain. Aur aaj saamne aaye leak se ye saaf hai ki ye kewal ek rumor nahin hai balki Apple really three iPhones hi launch karne jaa raha hai jinke display panels aaj ek leak ke zariye saamne aaye hain.

In three iPhones mein iPhone X ka jo successor hoga wo 5.8-inch display ke saath aayega. Isi ke saath iPhone X Plus naam ka smartphones 6.5-inch ki display ke saath aayega aur iPhone ka ek affordable version bhi launch kiya jayega jismein 6.1-inch ki display hogi. Is affordable version aur iPhone X aur X Plus mein fark ye hoga ki iPhone X’s successor aur Plus version OLED displays ke saath aayenge. Jabki 6.1-inch model LCD display ke saath launch kiya jayega.

Reports ke according company is baar apne smartphones ko competitive price par launch karne ki planning kar rahi hai taaki market mein wo apni jagah ko banaaye rakh sake aur market mein apna share expand kar sake.

Isi ke saath in iPhones ke colors ko lekar bhi rumors aaye hain. 6.5-inch iPhone X ko company white aur gold color options mein launch kar sakti hai. Jabki 6.1-inch wala affordable version Grey, Blue, Orange, White aur Red color options mein aa sakta hai.

Apple ke in iPhones ki pricing details bhi market mein is samay kaafi charcha mein hai. Ummid hai ki 6.5-inch OLED display wala iPhone sabse costly hoga aur ise 900 – 1000 US Dollars mein launch kiya jaa sakta hai, jabki 5.8-inch OLED display ke saath aane waale iPhone ka price 800- 900 USD ke beech ho sakta hai. Aur 6.1-inch LCD display ke saath aane waale affordable variant ki kimat 600 – 700 US Dollars ke beech hone ki ummid hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: