Apple Next Year Introduce Kar Sakta Hai iPhone SE 2 Ko, Phone Mein Mil Sakta Hain Latest Chipset

Teen saal pehle year 2016 mein Apple ne iPhone SE ko introduce kiya tha. Iss phone mein 4 inch ki screen ke saath saath 64 bit Bionic A9 chipset diya gaya tha. Last years company ne iPhone SE ke successor variant iPhone SE 2 ko launch karne ki baat kahi thi. Lekin humein aisa kuch bhi dekhne ko nahi mila tha. Haal hi mein iPhonne SE 2 se judi news fir se saamne aa rahi hain. Ismein bataya jaa raha hai ki company iss phone ko improved features aur latest chipset ke saath introduce kar sakti hai.

Company yeh phone unn sabhi user ko dhayan mein rakh kar design kar rahi hai,  jinhe phone mein multiple camera ya face ID aur aise hi premium features nahi chaiye. Balki unhe less price mein better performance jyada pasand aati hai. Reports mein bataya gaya hai ki yeh phone iPhone 8 ke look mein design kiya jaa sakta hai. saath hi high performance ke liye company ismein iPhone 11 mein diya gaya chispet Bionic A13 aur 3GB RAM use kar sakti hai. Agar iss ka look iPhone 8 ki tarah design kiya ja sakta hai to possible hai ki ismein screen badi dekhne ko mil sakti hai, jahaan ismein 4.7 inch ki screen humein dekhne ko mil sakti hai.

Yeh phone iPhone 6 aur 6s user ko dhayan mein raka kar bhi launch kiya jaa sakta hai. Agar aapko nahi pata hai to bata dein ki iPhone 6 aur 6s mein aapko iOS 13 ki update nahi di jaayegi. Isliye yeh phone iPhone 6 aur 6s user ko bhi apni taraf attract kar sakta hai. Iske alawa company iPhone 8 ko bhi discontinue kar sakti hai. Jiske chalte expect kiya jaa sakta hai ki iPhone 6s, 6 aur iPhone 8 user iss naye iPhone SE 2 ki taraf move on kar sakte hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: