Apple Launch Karne Jaa Raha Hai, 3 New iPhones: Jaaniye Kya Hai Naya Is Baar

Apple aaj 3 new iPhones launch karne jaa raha hai, saath hi iPad aur Apple Watch ke bhi announcements ka logon ko intezaar hai, jismein ab kuch hi ghante baaki hain. In products ka launch event raat 10.30 pm se Apple Park, Cupertino, California mein start hoga.

Rumors aur leaks se ye saaf zaahir hai ki 3 handsets launch kiye jayenge jinke naam iPhone XS, XS Plus aur iPhone XC honge. Saath hi ye bhi expected hai ki inke design aur build quality, last year launch huye iPhone X se kaafi similar hongi.

Apple analyst Ming-Chi Kuo ke predictions ke according, ek mid-size 6.1 inch iPhone, LCD display ke saath saamne aayega, jise iPhone SE 2 naam ke saath bhi launch kiya jaa sakta hai, aur jo ki in sabhi mein cheapest hoga. Iske alawa company iPhone XS ko 5.8 inch OLED display ke saath launch karegi aur isi ka larger version ‘Plus’ branding aur 6.5 inch ki OLED display ke saath aayega.

Iske alawa rumors ye bhi hain ki company 6.5 inch model ko ‘Max’ branding ke saath launch kar sakti hai. In sabhi iPhones mein aapko A12 chipset milega aur Apple Face ID bhi aur behtar hone ki ummid jataayi jaa rahi hai. Ye True Depth sensor ke saath aayega, jo ki aapke face ki 3D mapping ke saath advanced face unlock feature provide kar sakti hai.

Kuch hi samay pehle WWDC ke dauraan Apple ne naya software iOS 12 announce kiya tha, jo ki aapko iPhone XS, XS Plus aur iPhone XC mein milega. Isi ke saath aapko ab tak ke iPhones mein milne waali Animojis ko bhi, Memojis se replace kar diya gaya hai jo ki aap apne mood aur personality ke according create kar sakte hain.

Is ke alawa CNET ke according, in iPhone models ki sale bhi launch ke thik nine days ke baad shuru ho jayegi, yaani ki September 21. Is baar iPhone XS series ko attractive color options ke saath announce karne ki ummid hai jismein red, navy blue aur white with gold finish colors shaamil hain. Doosri taraf, iPhone XC mein aapko Red, Blue, Orange, Grey aur White color options dekhne ko milenge.

Image Credit – Slashleaks

Well, agar aap notch display ke deewane hain, to hum aapko bata dein ki, is baar sabhi iPhones, notch design aur bezel-less display ke saath aa sakte hain.

iPhone XS aur XS Plus flagship models hain aur entry-level iPhone XC ko iPhone 5C ka successor bataaya jaa raha hai. XS series mein aapko OLED displays aur dual 12 MP rear camera milega, jabki iPhone XC mein LCD display aur single rear camera mil sakta  hai.

Ab baat karte hain inke storage aur pricing details ki.

Ye sabhi models 64GB aur 256GB storage versions ke saath launch kiye jaa sakte hain. Halaanki ki XS Plus aur iPhone XS mein 512GB storage version bhi expected hai.

  • iPhone XC ka starting price USD 855 (approx. 62,000 INR) ho sakta hai.
  • Expect kiya jaa raha hai ki iPhone XS ki kimat US$ 1,075 (approx. 78,000 INR) se shuru hogi.
  • Wahin iPhone XS Plus aapko US$ 1,220 (approx. 88,000 INR) ki shuruaati kimat par mil sakta hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: