Apple Event mein Launch Huye: iPhone 13 Pro, Pro Max, iPhone 13, 13 mini, Apple Watch series 7, iPad, iPad mini 2021, Jaaniye India Prices

Apple ka California Streaming event is baar kuch innovative lekar nahin aaya. Company ne der raat kaafi saare device announce kiye, lekin un sabhi ke baare mein pehle hi kayi leaks aur rumor saamne aa chuke the. Halaanki complete details aur kuch new features inmein diye gaye hain, jinke baare mein aap is article mein jaan sakte hain. Apple ke 2021 event mein company ne iPhone 13 ke four new models – iPhone 13, iPhone 13 mini, iPhone 13 Pro aur iPhone 13 Pro Max ke saath saath Apple Watch series 7, iPad aur iPad mini 2021 ko bhi introduce kiya hai. In sabhi products ke India prices bhi company reveal kar chuki hai.

Apple iPhone 13 & 13 mini

iPhone 13 mini mein 5.4-inch ki aur iPhone 13 mein 6.1 inch ki Super Retina XDR OLED displays hain jo 1200 nits tak ki brightness, HDR, True Tone aur Ceramic Shield protection ke saath aayengi.

Is baar iPhone models mein aapko A15 Bionic chipset milega jismein hexacore CPU hai. Inmein 2 high-performance cores aur 4 power efficiency cores shaamil hain. In dono models mein storage options ki shuruaat is baar 64GB se nahi balki 128GB se hui hai. A15 Bionic 5nm chip ke saath software ke liye iOS 15 hai.

Camera section mein aapko rear panel par diagonally placed two 12MP sensors milte hain jo Sensor-shift optical image stabilisation, True Tone flash, HDR video recording, Dolby Vision at 4K 60 fps jaise features ke saath diye gaye hain. Saamne ki taraf inmein True-Depth camera diya gaya hai.

ALSO READ: JioPhone Next: India ke Most Affordable Smartphone ke Specs Leak Huye

iPhone 13 & 13 mini dono mein aapko 5G support milta hai aur inke predecessor ke mukaable inki battery bhi badi hai aur MagSafe wireless charging support ke saath aati hai.

Apple iPhone 13 Pro & Pro Max

iPhone 13 Pro mein 6.1 inch aur Pro Max mein 6.7 inch ki displays hain. Ye bhi baaki dono iPhones ke jaise hi hain, lekin inmein aapko adaptive 120Hz refresh rate ka option diya hai.

Apple iPhone 13 series

In dono smartphones mein bhi A15 Bionic chip aur iOS 15 moujood hai. Iske alawa inmein aapko dual nahin balki 12MP ke triple rear cameras diye gaye hain. Ek wide, doosra ultra wide sensor ke alawa is baar brand ne 12MP ka telephoto sensor bhi offer kiya hai. Saath hi ismein aapko new feature Cinematic mode bhi milta hai jiske saath aap Dolby Vision mein recording kar sakte hain.

In dono smartphones mein 1TB tak ke storage options aayenge.

Pricing and availability

  • iPhone 13 mini 128GB– Rs. 69,900
  • iPhone 13 mini 256GB– Rs. 79,900
  • iPhone 13 mini 512GB – Rs. 99,900
  • iPhone 13 128GB – Rs. 79,900
  • iPhone 13 256GB – Rs. 89,900
  • iPhone 13 512GB – Rs. 1,09,900
  • iPhone 13 Pro 128GB– Rs. 1,19,900
  • iPhone 13 Pro 256GB– Rs. 1,29,900
  • iPhone 13 Pro 512GB – Rs. 1,49,900
  • iPhone 13 Pro 1TB – Rs. 1,69,900
  • iPhone 13 Pro Max 128GB– Rs. 1,29,900
  • iPhone 13 Pro Max 256GB– Rs. 1,39,900
  • iPhone 13 Pro Max 512GB – Rs. 1,59,900
  • iPhone 13 Pro Max 1TB – Rs. 1,79,900

iPhone 13 series ke ye sabhi phone India mein aap 17th September se pre-order kar sakte hain, jabki inki sale 24th September se start hogi.

Inke alawa company ne iPad, iPad mini aur Apple Watch 7 series bhi announce ki hai.

iPad 2021- Ismein 10.2-inch ki Retina display, A13 Bionic chipset, 64GB/256GB storage options, iPadOS 15, 8MP rear, 12MP front camera jaise features moujood hain. Iski kimat India mein 30,900 – 56,900 INR tak hai.

iPad mini 2021 – Ismein 8.3 inch ki Retina display ke saath A15 Bionic chipset aur iPad OS 15 milte hain. Ismei dono taraf aapko 12-12MP ke cameras hain. Touch ID, dual microphones, 5G support iske other features hain. India mein iske prices Rs. 46,900 se Rs. 74,900 tak jaate hain.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: