AnTuTu Ne Release Ki August 2019 Mein Top 10 Scores Paane Waale Powerful Phones Ki List

Phones kitne powerful hain aur unki performance kaisi hai, ye to unke chipset ke baare mein jaankar aur unhein use karke hi pata chalta hai. Lekin phones ki performance ko log kaafi had tak unke AnTuTu scores jaankar andaaza lagaate hain, jo kaafi had tak sahi bhi hota hai. To aaiye aapko bataate hain ki August 2019 mein AnTuTu ke according kaun se 10 phones ka benchmarking scores sabse jyada raha.

AnTuTu ke new version AnTuTu V8.0 ke according jyada internal storage aur jyada screen refresh rate ke saath aane waale phones ne bhi achhi ranking paayi hai. Is list mein top position par hai Snapdragon 855 Plus chipset, 12GB RAM aur 256GB storage ke sath aane waala Black Shark 2 Pro, jiska score 469, 708 points hai.

Black Shark 2 Pro  – 12GB+256GB 469, 708 points
ASUS ROG Phone 2 –  8GB+128GB 469, 590 points
OnePlus 7 Pro – 12GB+256GB 447, 354 points
Nubia Red Magic 3 – 8GB+128GB 443, 452 points
OnePlus 7 – 12GB+256GB 443, 241 points
Black Shark 2 – 8GB+256GB 442, 971 points
Mi 9 – 8GB+256GB 440, 740 points
ZTE Axon Pro – 6GB 437, 591 points
Meizu 16s – 8GB+128GB 433, 388 points
Redmi K20 Pro – 8GB+256GB 432, 159 points

Iske baad ASUS ROG Phone 2, jo ki 8GB+128GB storage option ke saath aata hai, use 469, 590 points ke saath second position mili hai. Well, ye dono hi gaming smartphones hain aur India mein announce ho chuke hain.

Iske baad third position par OnePlus 7 Pro hai jo ki 90Hz refresh rate screen ke saath aata hai, aur ye Snapdragon 855 ke saath 12GB RAM aur 256GB internal storage variant hai. Iska AnTuTu score 447, 345 points hai.

Iske baad list mein fourth aur fifth position par Nubia Red Magic 3, OnePlus 7 12GB+256GB storage variant hain aur sixth position 8GB RAM aur 256GB internal storage ke saath Black Shark 2 ko mili hai. Xiaomi ka Mi 9 8GB+256GB storage ke saath is list mein seventh rank bana paaya hai.

Aur AnTuTu benchmarking list mein last three names ZTE Axon 10 Pro, Meizu 16s aur Redmi K20 Pro ke hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: