Xiaomi Aur Realme Ke Affordable Phones Ko Takker Denge, MWC Mein Launch Huye Nokia 3.2 Aur 4.2 Budget Phones

Barcelona mein chal rahe event MWC 2109 mein HMD Global ne apne two Android One powered smartphones announce kiye hain, Nokia 4.2 aur Nokia 3.2 . Dono hi smartphones kaafi bhadiya specifications ke saath announce kiye gaye hain. Dono hi smartphones mein aapko waterdrop notch display di gayi hai. Iske alawa inn phones mein aapko AI based camera aur AI based face unlock ka feature diya gaya hai. Aaiye inn phones ki full specifications ke baare mein aapko batate hain.

Nokia 3.2 Specifications

Nokia 3.2 mein 6.26 inch ki HD+ a-Si TFT LCD screen di gayi hai jo ki 2.5D curved glass ke saath aayegi. Iss phone mein Qualcomm Snapdragon 429 processor diya gaya hai jo ki Adreno 504 GPU ke saath aata hai. Phone ko 2 storage variants mein launch kiya gaya hai jahan aapko 2GB RAM ke saath 16GB ROM aur 3GB RAM ke saath 32GB ROM ka option milega. Phone ki storage ko aap microSD Card ki help se 400GB tak expand bhi kar sakte hain.

 

Nokia 3.2 mein single rear camera 13MP ka diya hai. Issi ke saath front camera 5MP ka milta hai. Iss phone ke 3GB/32GB variant mein aapko rear mount finger print scanner dekhne ko milega. Phone mein 4000mAh ki battery di gayi hai. Yeh phone hybrid dual sim support ke saath aata hai. Nokia 3.2 mein aapko 2 colour option Black aur Steel dekhne ko milenge.

Nokia 4.2 Specifications

Nokia 4.2 mein 5.71 inch ki HD+ display dekhne ko milti hai. Iska screen aspect ratio 19:9 hai. Yeh display 2.5D curved glass protection ke saath aati hai. Phone mein Octa-Core Snapdragon 439 chipset diya gaya hai jo ki Adreno 505 GPU ke saath aata hai. Yeh phone bhi 2 storage variants mein announce kiya gaya hai jahan aapko 2GB/16GB aur 3GB/32GB variants dekhne ko milege. Yeh phone single sim aur dual sim dono hi option mein available hai.

 

Nokia 4.2 mein rear panel par dual camera setup dekhne ko milega. Phone mein rear primary camera 13MP ka aur secondary camera 2MP ka diya gaya hai. Isi ke saath front facing camera 8MP ka milta hai. Iss phone mein aapko 3000mAh ki battery di gayi hai.  Yeh phone Black aur Pink Sand colour mein announce kiya gaya hai.

 

Nokia 3.2 ke 2GB/16GB variant ki price US$ 139 ( Rs 9,900 approx.) rakhi gayi hai wahin apako iske 3GB/32GB variant ke liye US$ 169 (Rs 12,000 approx.) dene honge. Iske alawa baat karein Nokia 4.2 ki to aapko iske base variant 2GB/16Gb ke liye US$169 (Rs 12,000 approx.) dene honge aur top variant 3GB/32GB ke liye US$199 ( Rs 14,200 approx.) pay karna padega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: