Anand Kumar Ki Biopic Movie, Super 30 Aaj Huyi Release, Students Ko Karti Hai Motivate

Kaafi controversy ke baad aaj Super 30 Movie finally release ho chuki hai. Yeh movie Bihar ke ek teacher, Mathematician Anand Kumar ki biopic hai, jismein thoda drama bhi add kiya gaya hai. Kis tarah unhone gareeb students ko IIT mein admission lene mein help ki, yeh iss movie mein dikhaya gaya hai. Iske alawa unhone apni life mein kya kya problems ko face kiya hai, kis tarah wah apni life ke peak point par pahuche the, yeh sab aapko iss movie mein dekhne ko milega.

Movie ke lead role mein aapko Hrithik Roshan, Mrunal Thakur, Pankaj Tripathi, Nandish Singh dikhayi dete hain. Iss movie ko Vikas Bahl ne direct kiya hai.

 

Movie ki story flashback se shuru hoti hai, jahaan Anand Kumar ka admission Cambridge University mein ho jaata hai lekin financial condition strong na hone ke kaaran wah University mein admission nahi le paate hain. Issi beech unke pita ki maut ho jaati hai, jiske chalte ghar ke haalat aur bhi bigad jaate hain. Iske baad unki maa paapad banati hai jinhe Anand bus stop par jaa kar bechte hain. Issi beech Anand ko Lallan Singh teacher ka support milta hai, jo ki IIT students ke liye coaching run karta hai. Anand kuch samay tak wahan kaam karte hain lekin baad mein jab unhe realize hota hai, ki unke jaise aur bhi students hain jo financially strong naa hone ke kaaran IIT jaise institute mein admission nahi le paate hain. Iske baad Anand apna khud ka coaching center open karte hain, wahan gareeb students ko padate hain, finally unn students ka admission IIT institute mein ho jaata hai.

Movie ka first half kaafi strongly portray kiya gaya hai, jo aapko shuru se le kar aakhir tak screen se attach kiye rahta hai. Movie mein kaafi scene aise aate hain jahaan aap khud ko emotional hota paayenge. First half ke compare mein second half thoda slow lagta hai lekin movie apni story se distract nahi hoti hai. Middle class aur lower class family se belong karne wale students iss movie ko khud se relate hota paa sakte hain, jahaan unhe kis kis tarah ki situation ko face karna padta hai, wah bahut clearly movie mein dikhaya gaya hai.

Movie mein kuch dialogues aapko taaliyaan baajane par majboor kar dete hain jinmein ” Raja ka beta raja nahi rahega” aur  “Aapatti se aavishkar ka janam hota hai” kuch famous dialogues hain. Inn sabhi ke baad agar baat karein Pankaj Tripathi ke role ki to wah Education Minister ke form mein kaafi bhadiya perform karte hain, saath hi screen par aate hi aapko hasne ka ek mouka bhi dete hain.

Agar aap amenities aur sources ko apni padayi ke liye ek rukavat samjhte hain, to aapko yeh movie ek baar jarur dekhni chaiye. Movie ki screening kaafi neat and clean hai, jiski wajah se bade hi aaram se iss movie ko family ke saath enjoy kiya jaa sakta hai. Aaj ke har student ke liye yeh movie ek inspiration ka kaam kar sakti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: