Amazon ka Faster Than Same Day Delivery Model: Order Karein Aur Is Tarah Paayein 3-5 Hours Mein Home Delivery

Amazon ki Great Indian sale to aaj se shuru ho hi chuki hai, lekin saath hi company ne aaj “faster than same day delivery” model bhi announce kiya hai, jo ki sirf smartphones ke liye hai. Ye naya model filhaal Delhi-NCR mein hi available hai aur sirf smartphones ki delivery ke liye hai.

Amazon ke is “faster than same day delivery” model mein aap jo bhi smartphone order karenge wo aapke ghar kewal 3-5 hours mein pahunch jayega. Ye model Amazon par available mostly smartphones par applicable hai aur Prime members ke liye ye totally free hai, jabki non-prime members ko is service ko paane ke liye 150 INR delivery charge dena hoga.

Iske alawa ek aur option ye hai ki aap 129 INR ka monthly prime membership lein aur phir “faster than same day delivery” model ke through smartphone ghar mangwaayein, aur aisa karne par koi delivery charge aapko nahin dena.

Amazon ka kehna hai ki jin smartphones par ye option available hai, un products ko jab aap Amazon par dekhte hain, to product detail page par hi aapko “Get this phone even faster. Delivery within 5 hours.” Ka option dikhaayi dega au rise select karne par aapko wo smartphone kewal 5 ghanton ke andar aapke ghar par deliver kiya jayega.

“faster than same day delivery” model, aaj se hi sale ke liye available huye Honor 8X par bhi available hai. Amazon India ke Category Leader, smartphones, Nishant Sardana, ka kehna hai ki, “ Is service ko shuru karne ke liye unhein kaafi technical work aur backend changes karne pade hain. Is samay ye service Delhi NCR ke kayi PIN codes par available hai aur hum next week tak is service ko Delhi NCR ke 80% pin codes par avail karaane ki koshish karenge.”

“faster than same day delivery” model ko avail karne ke liye aap Amazon India par 7pm tak order place kar sakte hain, aur ye service week ke all 7 days available hogi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: