Amazon India Ke Saath Ek Saal Se Kar Raha Tha Fraud, Abhi Tak Lagayi Rs 30 Lakh Ki Chapat

Abhi tak aapne yeh suna hoga ki iss company ne itne customers ke saath fraud kiya ya uska paisa le liya lekin material supply nahi kiya ya fir kisi aur tarah se cheat kiya ho. Abhi tak e-commerce website se order karne par supply dene wali company phone ke box mein ya to soap rakh kar de rahi thi ya fir unn phone ke boxes mein patthar  nikalte the. Lekin aaj ki yeh news sun ke aapko bhi shock lag sakta hai. Saamne aayi news mein iss baar yeh fraud company ne nahi balki customer ne company ke saath kiya hai. Jahan iss fraud ka sikaar bani hai Amazon.in company .

 

Ji ha ! Indore mein rehne wale ek person ne isi tarah ka crime Amazon India ke sath kiya hai, jahan company ko Rs 30 Lakh ki chapat lagi hai. Iss fraud ke liye Indore cyber cell police ne Muhammad Mahuwala ko arrest kiya hai. Muhammad Mahuwala yeh kaam ek gang ke saath mil kar kar raha tha. Jahan police ne iss gang ke 2 logon ko arrest kar liya hai.

 

Iss poore crime mein Mahuwala aur uska gang alag alag numbers aur e-mail id se costly gadgets order karte the, jinmein high-end smartphones, laptops, headphones, smart watchs aur kuch other gadgets bhi include the. Inn gadget ke milne ke baad yeh company ko refund ke liye mail karte the, jismein yeh receive huye order ko blank ya broken batate the ya fir usmein patthar ya soap nikalne ka claim karte the. Iss tarah se inhone alag alag id ke dwara Amazon India ke saath poore Rs 30 Lakh ka fraud kiya . Baar baar situation repeat hone par Amazon India ne iski investigation ke liye appeal ki. Jiske baad iss gang ka pata chalne par company ne inke against FIR bhi kar di hai.  Arrest karte samay Mahuwala ke pass se 2 costly smartphones, 1 wireless router, 2 high end smart watch aur 1 credit card mila hai.

 

Company se refund lene ke baad yeh smartphone aur gadgets ko saste rates par apne aas pass ke local market mein sale kar dete the, jis se inhe double profit hota tha.  Yeh gang abhi tak ek saal mein Amazon.in se total 50 gadgets order kar chuke thi jinki total value Rs 30 Lakh batayi gayi hai. Iss gang ke baaki logon ka pata nahi chal paya hai, jinki talaash abhi police kar rahi hai. Mahuwala ka kahna hai yeh poora procedure uske ek friend ne use bataya tha, jo ki khud Amazon website ke liye kaam karta tha.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: