Amazon.in Par Shuru Ho Chuki Hai Mi Days Sale, Smartphones Par Mil Raha Hai Rs 6,500 Tak Ka Off

Amazon India ki website par aaj se Mi days Sale start ho gayi hai. 15th May matlab aaj se le kar yeh sale 19th May tak chalegi. Sale ke duaraan company apne kuch selected smartphone aur devices par bhadiya discount offer kar rahi hai. Smartphones ke alawa aapko iss sale mein milene wale discounted products ki list mein power bank, headphone aur fit band shaamil hain.

 

 

Sabse pehle sale mein milne wale smartphones ki baat kar lete hain. Iss sale mein aapko Xiaomi Mi A2 ke sabhi variants par bhadiya discount dekhne ko milega. Xiaomi Mi A2 ke 4GB/64GB variant ki regular price jahaan Rs 17,499 thi wahin yeh phone sale ke duaraan aapko Rs 10,999 mein mil raha hai. Issi phone ke other storage variant 6GB/128GB model ko aap Rs 15,999 mein khareed sakte hain jab ki iss phone ki regular price Rs 20,500 thi. Iske alawa company ka best budget smartphone Redmi Note 5 Pro aapko iss sale mein Rs 10,999 mein diya jaa raha hai. Iss phone ke base variant par company aapko Rs 5,000 ka discount aur top variant par Rs 6,000 ka discount offer kar rahi hai.

 

Xiaomi ka best selling smartphone Redmi 6A iss sale mein Rs 1,000 ki flat price ke saath Rs 5,999 mein diya jaa raha hai. Wide notch display ke saath aane wala Redmi 6 Pro ke 3GB/32GB variant ko aap iss sale mein Rs 8,999 mein aur 4GB/64GB variant ko Rs 9,999 mein purchase kar sakte hain.

 

Haal hi mein launch kiye gaye Mi Sport Bluetooth Wireless Headphone iss sale mein Rs 1,499 mein diye jaa rahe hain. Inn headphones ki launching price Rs 1,799 rakhi gayi thi. Iske alawa ICICI Bank ke credit ya debit card ke though payment karne par aapko Rs 1,500 tak instant discount diya jaayega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: