Amazon.in Par Live Hua OnePlus TV Ka ‘Notify Me’ Page, Reveal Huye Specs

OnePlus TV ke launch ki charcha abhi har taraf dekhne ko mil rahi hai. Yeh hum sabhi jaante hain ki company apni TV ko India mein sabse pehle launch karegi. Launch se judi jaankari aur leaks details hum already aapko dete rahe hain. Aapko bata dein ki, aaj Amazon.in par OnePlus TV ke launch ko le kar ‘Notify Me’ page already live kar diya gaya hai. Issi ke saath OnePlus TV ki kuch confirm details bhi saamne aayi hai.

 

Sabse pehle ismein bataya gaya hai ki yeh TV 55 inch ki 4K QLED panel ke saath launch ki jaayegi, jo aapke visual experience ko aur bhi enhance kar degi. TV mein Dolby Vision ka use kiya gaya hai, jis se TV mein dikhne wale content ko aap aur bhi jayada brightness aur rich color ke saath dekh sakte hain.

Jaisa ki company ke CEO Pete Lau ne kaha tha ki iss TV ko design karte samay humne behtar screen quality ke saath saath behtar sound quality ka bhi dhyan rakha hai, waisa hi dekhne ko bhi mil raha hai. Iss 55 inch 4K QLED TV mein 50W ke 8 speakers ka use kiya gaya hai. Ismein Dolby Atmos ka use kiya gaya hai, jis se aapko ghar mein hi cinematic sound experience karne ka mauka milega.

Yeh OnePlus TV se judi wah jaankari hai, jise company ne confirm kar, post kiya hai. Iske alawa rumors ki maane to company 55 inch size ke alawa 43 inch, 65 inch uar 75 inch TV ko bhi launch kar sakti hai. Iske alawa leaks mein yeh bhi bataya gaya tha ki yeh TV Android 9 ke platform par kaam karegi. Expect kiya jaa raha hai ki 26th September ko hone wale OnePlus 7T aur OnePlus 7T Pro smartphones ke launch ke saath hi company iss TV ko bhi launch kar sakti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: