Amazon Par Shuru Hua Fab Phones Fest, Mil Rahe Hain Yeh Attractive Offers

Amazon India ki website par aaj se Fab Phones Fest shuru ho gaya hai. Iss fest mein premium, mid range aur budget phones ko discounted price par offer kiya jaa raha hai. Yeh Fab Phones Fest aaj 25th March se shuru ho kar 28th March tak chalega. Phones ke alawa iss fest mein kuch smartphone accessories par bhi lucrative offers available hain. Mobiles aur accessories par aapko 40% tak ka discount dekhne ko milega. Iske alawa SBI credit card holders ko extra 5% instant cashback diya jaaega.

Fab Phones Fest ke duaraan kuch phones par abhi tak ki lowest price dekhne ko mil rahi hai. Ismein kuch recently launch huye phones bhi included hain. Iske alawa selected phones par bhadiya exchange discount bhi mil raha hai. Recently launch huye phones par mil rahe discount ko aap neeche mention ki gayi list mein dekh sakte hain.

 

S.No.  Recently Launch Phone   Name Regular Price Offer Price
1 Vivo V15 Pro Rs 32,990 Rs 28,990
2 Oppo F11 Pro Rs 28,990 Rs 24,990
3 Samsung Galaxy M10 Rs 9,290 Rs 8,990
4 Samsung Galaxy M30 Rs 14,990 Rs 16,490
5 Samsung Galaxy A50 Rs 21,000 Rs 19,990
6 Samsung Galaxy S10 Rs 71,000 Rs 66,900

Iske alawa LG, Honor, Xiaomi ke top phones par bhi acha discount diya jaa raha hai. Xioami ka Mi A2 iss sale ke dauraan Rs 11,999 mein mil raha hai jab ki iss phone ki regular price Rs 17,499 hai. Iske alawa LG ke flagship phone LG V40 ThinQ par company Rs 10,000 ka discount de rahi hai jiske chalte yeh phone aapko Rs 49,990 padega. Iss phone par aapko Rs 10,000 tak ka exchange discount bhi mil raha hai.

December 2018 mein launch huye Oppo R17 ko bhi iss Fab Phones Fest ki list mein rakha gaya hai. Yeh phone Rs 36,990 ki regular price par available tha lekin sale ke dauraan yeh phone aapko Rs 28,990 ka milega. Saath hi Rs 5,000 tak ka exchange discount bhi iss phone par diya jaa raha hai.

Iss Fab Phone Fest ke great offers mein iPhone X bhi shaamil hai jo ki Rs 73,999 ka mil raha hai. iPhone X ki regular price Rs 91,900 hai. Issi ke saath iss phone par No Cost EMI ka option bhi company provide kar rahi hai. Vivo Nex, pop up selfie camera ke saath aane wala sabse pehla phone iss sale mein Rs 31,990 mein offer kiya jaa raha hai. 

 

 

Honor View 20, jiski regular price Rs 42,999 hai yeh phone iss fest mein Rs 37,999 mein available hai. Saath hi Samsung Galaxy S9 bhi aapko iss fest mein Rs 48,900 mein milega. Bundle offer mein aapko Huawei Mate 20 pro mil raha hai. Bundle offer isliye kaha hai kyun ki company iss phone par discounted price ke alawa aur bhi kuch offers de rahi hai, jismein aapko iss phone ke saath Huawei CP60 wireless charger free diya jaaega. Saath hi kuch major credit card, selected debit cards par No Cost EMI ka option bhi company iss phone par de rahi hai. Fest ke dauraan yeh phone Rs 64,990 ka mil raha hai.

Inn sab ke alawa phone accessories jaise headphones, charging cord, power bank, cases aur covers, screen protectors, car chargers par bhi 40% tak ka discount diya jaa raha hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: