Amazon Great Indian Sale : Top 5 Smartphones Under 10,000 INR Aur 15,000 INR

Amazon Great Indian Sale kal yaani ki 10th October se start ho rahi hai aur prime users ke liye ye already start ho chuki hai. Ismein 10,000 INR / 15,000 INR ki range mein aapko behtareen smartphones mil sakte hain, jinki list aap yahaan dekh sakte hain.

Under 10,000 INR

Lenovo K8 Note – 9,199 INR

Ye smartphone India mein last year August mein launch kiya gaya tha aur iski khaasiyat thi Deca core (ten cores) MediaTek Helio X23 processor. Ismein 13+5 MP ke dual rear cameras hain, 5.5 inch ki FHD display hai, 13 MP front camera, rear mounted fingerprint sensor aur 4000mAh ki battery hai.

Iske 4GB+64GB version ka price 13,999 INR hai, lekin Great Indian Sale ke dauraan aap ise kewal 9,199 INR mein purchase kar sakte hain.

Redmi Y2 – 8,999 INR

Xiaomi ka June 2018 mein India mein launch hua ye phone bhi is sale mein 8,999 INR mein availbale hai. Ismein 5.99 inch ki HD+ display, Snapdragon 625 processor, 12+5 MP dual rear cameras, aur 3080mAh ki battery hai.

Honor 7X – 9,999 INR

Honor 7X ke 4GB+64GB version ka price bhi is sale mein kaafi gira hai aur ab aap ise kewal 9,999 INR mein kharid sakte hain. Ismein 5.93 inch ki full HD+ display, 16+2 MP dual rear cameras, Kirin 659 processor, 3340mAh ki battery aur Android 8.1 Oreo OS hai.

Samsung Galaxy On7 Prime

Samsung ka ye smartphone 12,990 INR ke price par isi saal launch kiya gaya tha. Ab Great Indian Sale mein is smartphone ka 3GB+32GB version 9,990 INR mein available hai. Ismein full HD display, Exynos7870 processor, dual SIM slots, 13 MP rear, 13 MP front camera aur 3300mAh ki battery di gayi hai.

Under 15,000 INR

Ab baat karte hain, Great Indian Sale mein 15,000 INR ki range mein milne waale smartphones ki jismein kayi achhe handsets shaamil hain.

Realme 1 6GB – 12,999 INR

Realme 1 jo ki kaafi logon ko pasand aaya hai, iske high-end version ki kimat is sale mein 12,999 INR hai. Ismein full HD+ display, MediaTek Helio P60 chipset, 13 MP rear camera, face unlock, 3410mAh ki battery jaise features moujood hain.

Mi A2 – 14,999 INR

Xiaomi ka Android One smartphone Mi A2 ka 4GB+64GB version bhi Great Indian Sale mein 14,999 INR mein available hai. Ismein bhi 5.99 inch FHD+ display, Snapdragon 660 chispet, 12+20 MP dual rear cameras, 20 MP front camera aur 3010mAh ki battery hai. Iska actual price 16,999 INR hai.

Moto G6 – 13,999 INR

June 2018 mein India mein launch huye Moto G6 ke 4GB+64GB version ko aap is sale ke dauraan 13,999 INR mein ghar leja sakte hain. Is handset mein 5.7 inch ki full HD+ display, Snapdragon 450 CPU, 12+5 MP dual rear camera setup aur 16 MP front camera hai. Iska actual price 15,999 INR hai.

Honor 9 Lite – 13,325 INR

Honor 9 Lite ki kimat is samay 13,325 INR hai. Ismein 4GB+64GB storage option hai, 5.65 inch ki FHD+ display, Kirin 659 chipset, 13+2 dual rear cameras, 13+2 MP front cameras aur 3000mAh ki battery hai.

Vivo Y83 – 13,990 INR

Vivo Y83 is samay 13,990 INR price tag ke saath available hai. Ismein notch display hai. 6.22 inch ki screen HD+ resolution ke saath hai. Helio P22 processor ke saath 4GB ki RAM aur 32GB ki storage hai. Ismein 13 MP rear aur 8 MP front camera hai, jabki 3260mAh ki battery hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: