Amazon Great Indian Festival Sale Mein Inn Premium Aur Budget Smartphone Par Mil Rahe Hain Best Offers

Festival season already start ho chuka hai aur isi ke saath shopping ki taiyari bhi hone lagi hai. Iss festive season mein online aur offline market mein aapko smartphones par bhadiya discount dekhne ko mil rahe honge, lekin aaj hum aapke liye Amazon.in par chal rahe Great Indian Festival Sale mein milne wale best smartphones deals ko le kar aaye hain. Yeh sale 29th September se shuru ho chuki hai aur 4th October tak chalegi. Yeh smartphones abhi tak ki best aur lowest price par offer kiye jaa rahe hain. Itna hi nahi, agar aap SBI debit card ke through payment karte hain to 10% instant discount aur bonus offers bhi aapko milenge. Neeche list kiye gaye sabhi phones par aapko Free screen Replacement, No Cost EMI aur exchange offer ka benefit bhi diya jaa raha hai.

Offers On Premium Smartphones 

  • Recently launch hua smartphone, OnePlus 7T ki launch price Rs 37,999 rakhi gayi hai, lekin sale ke dauraan agar aap iss phone ko SBI debit card ke through purchase karte hain to aapko 10% instant discount diya jaayega, jiske baad iski cost Rs 34,199 reh jaati hai.
  • Iske baad OnePlus 7, jo ki kuch months pehle hi launch hua hai, yeh phone aapko sale mein Rs 29,999 mein milega. Iss phone ko company ne Rs 32,999 ke price tag ke saath launch kiya tha.
  • Isi ke saath launch kiya gaya OnePlus 7 Pro, ki regular price par bhi company Rs 4,000 ka off de rahi, jiske baad yeh phone aapko Rs 44,999 mein mil raha hai. Iski regular price Rs 48,999 hai.
  • Stock Android ke saath aane wala latest Xiaomi Mi A3 smartphone bhi iss sale mein discounted price par offer kiya jaa raha hai. Iske liye aapko iss phone ka pre-paid order karna hoga, jiske baad Rs 1,000 ka Amazon Pay Balance cashback milega. Iss budget price mein aapko 48MP primary rear camera mil raha hai.
  • Last year launch kiya gaya Xiaomi ka flagship smartphone Poco F1 iss sale mein Rs 14,999 mein diya jaa raha hai. Iske alawa iss phone ka pre-paid order karne par aapko Rs 1,000 ka Amazon Pay Balance bhi cashback mein diya jaayega. Ismein aapko 6GB RAM ke saath 128GB internal storage milegi.
  • Pop up selfie camera ke saath aane wala Vivo V15 smartphone bhi iss sale mein aapko Rs 15,999 mein milega.
  • Last year launch hua Huawei ka flagship smartphone Huawei Mate 20 Pro, par aapko bhadiya discount dekhne ko mil raha hai. Iss phone ki launch price Rs 69,990 rakhi gayi thi. Lekin sale mein aap iss phone ko sirf Rs 49,990 mein purchase kar sakte hain. Bundle offer mein aapko iss phone ke sath Huawei Watch GT free di jaa rahi hai.
  • iPhone XR ko purchase karne par aapko Rs 13,000 tak ka exchange offer milega, iske alawa iss phone ki sale price Rs 44,999 hai, jismein aapko 64GB variant mil raha hai.

 

Offers On Budget Smartphones 

  • Triple rear camera aur dewdrop notch wala Samsung Galaxy M30 iss sale mein aapko Rs 11,999 mein milega. Iss phone mein aapko 5000mAh ki battery milti hai, jo ki 3X fast charge hoti hain.
  • 5000mAh ki badi battery ke saath aane wala Vivo Y15 bhi aapko discounted price mein milega, jise aap 12,990 mein purchase kar sakte hain.
  • 5000mAh battery wala Oppo A5 2020 sale mein aapko sirf Rs 13,990 mein milega. Iss phone mein aapko quad camera setup milta hai, jo ki iss budget price mein milna mushkil hain. Saath hi yeh phone reverse charging ko bhi support karta hai.
  • Samsung Galaxy M10 ko slashed price ke sath aap Rs 7,999 mein khareed sakte hain, jismein aapko 3GB RAM ke saath 32GB internal storage milegi.
  •  32MP selfie camera aur 4000mAh ki battery ke saath aane wala Redmi Y3 smartphone sale ke duaraan sirf Rs 7,999 mein khareeda jaa sakta hai.
  • Nokia 6.1 Plus ko HMD Global ne last year Rs 15,999 ki price tag ke saath launch kiya tha. Jiske baad humein iss phone par price cut bhi dekhne ko mila tha. Lekin iss phone ki abhi tak ki lowest ever price aapko iss sale mein dekhne ko mil rahi hai, jahann iss phone ko Rs 9,999 mein purchase kiya jaa sakta hai.
  • LG W series ke saath LG ne budget smartphone series mein entry ki hai. Iss series ka hi ek phone LG W30 sale mein rakha gaya hai, jiske discounted price Rs 7,999 hain. Yeh phone triple rear camera ke sath aata hai, jismein primary camera mein Sony IMX486 sensor ka use kiya gaya hai.
  • Inn sab ke alawa Redmi 7A iss sale mein abhi tak ki lowest ever price mein offer kiya jaa raha hai, jahaan iss phone ko aap sirf Rs 4,999 de kar purchase kar sakte hain.
Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: