Amazon Exclusive Hoga Vivo Ka Upcoming Smartphone – V9 Pro, 26th September Ko Hoga Launch

Vivo V11 Pro ke baad, company phir se ek naya smartphone India mein launch karne jaa rahi hai, jo ki Amazon exclusive hoga. Vivo ke upcoming smartphone ka naam hai, V9 Pro, ye wahi smartphone hai, jise pehle V9 ke naam se Indonesia mein announce kiya jaa chuka hai.

Vivo V9 Pro India mein 2 din baad, yaani ki 26th September ko launch hoga. V9 Pro mein 6.3 inch ki full HD+ display hai aur ye Android 8.1 Oreo OS ke saath Funtouch OS 4.0 par chalta hai. Is handset mein aapko 6GB ki RAM aur 64GB ki inbuilt memory milegi, saath hi microSD card slot ke zariye aap ise additional 256GB tak badha sakte hain.

V9 Pro mein dual nano SIM slots  diye gaye hain aur behtar performance ke liye eight cores ke saath Snapdragon 660 chipset moujood hai. Is smartphone mein aapko 3260mAh ki battery milti hai, lekin koi fast charging support nahin diya gaya.

 

Iske alawa camera section ki baat karein to, V9 Pro mein 13 + 2 MP ke dual rear cameras hain, jo LED flash light aur 2.2 aperture ke saath aayenge. Saath hi 12 MP ka front facing camera diya gaya hai. Notc display ke saath aane waale is smartphone ke rear panel par fingerprint sensor bhi moujood hai.

V9 Pro Black and Red colors mein launch kiya jayega, jo ki Amazon exclusive hai, halaanki iska price aana abhi baaki hai, lekin specs ko dekhte huye, India mein iski kimat 20,000 INR tak hi hogi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: