Amazon Echo Show India Mein Hua Launch, 10 inch Touch Display Aur Dolby Sound Ke Saath Jaane Kya Hai Iski Price

Amazon ne India mein Amazon Echo Show device ko launch kar diya hai. Yeh ek smart home speaker hai jismein 10 inch ki HD display bhi di gayi hai. Iss device mein video calling ke liye 5MP ka front facing camera milta hai jo high definition video quality ko support karta hai. Calling ke liye second person ke pass bhi Echo Show, Echo Spot ya Alexa App ka support hona chaiye.

Iss smart speaker mein di gayi display kaafi bright color aur clear visual ke saath aati hai. Saath hi devices mein in-built speakers powerful stereo sound provide karte hain. Yeh device Alexa voice command support karti hai. Voice command de kar aap ismein unn sabhi shows ko enjoy kar sakte hain jo Amazon Prime Video mein available hote hai. Well design Alexa Echo show mein aap command de kar Ola cab bhi book kar sakte hain. Iss device mein Cricket News, Bulletins, Shows, Recipes ko bhi enjoy kiya jaa sakta hai.

 

Calling ke samay surround noise ko aapki voice se differentiate karene ke liye Eight microphones array aur far field technology ka use kiya gaya hai . Device mein diye gaye dual side firing 2 Neodymium driver, passive Bass Radiator aur Dolby processing ke through rich and fine sound deliver karne mein help karte hain. Iss device mein kaafi Alexa skill di gayi hain jinhe customize kar ke bhi use kiya jaa sakta hai. Device mein Dolby speaker system diya gaya hai jo Wi-Fi, Bluetooth connectivity ko support karta hai.

 

Launch offer ke duaraan company Citi Bank ke credit aur debit card par Rs 2,000 ka cashback de rahi hai. Iske alawa iss device ke saath company Philips Hue Smart Light Bulb bhi free de rahi hain. Iss Amazon Echo Show device ki price India mein Rs 22,999 rakhi gayi hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: