Amazon Aur OnePlus Ki Partnership Ko 4 Saal Poore Hone Par, Company Ne OnePlus 6T par Announce Kiye Ye Offers

2014 mein India mein enter karne wali company OnePlus ne Indian smartphone market mein apne kadam achi tarah se jama liye hain. Company ne India mein e-commerce website Amazon.in ke partnership ki jisne OnePlus ko India ke andar top smartphone company ki list mein shamil kiya. Aaj OnePlus India ke top premium smartphone ki list mein include ho chuka hai.

Iss beneficial partnership ko company 30 November ko apne customers ke saath celebrate karna shuru karegi. Jaha Amazon.in ki website par OnePlus 6T phone par aapko kaafi interesting offers dekhne ko milenge.

 

Ab baat karte hain offers ki aur jaante hain inn behatreen offers ke baare mein.

Sabse pehle agar aap Citi Bank ke credit ya debit card holder hain aur agar aap online payment karte hain to aapko Rs 1,500 ka cashback yaha par milega. Wahi Citi Bank card holder ko OnePlus 6T ki purchasing par 6 months no cost EMI ka option bhi mil raha hai.

Iske alawa OnePlus ka koi bhi purana phone exchange kar, OnePlus 6T kharidne par aapko yahaan Rs 3,000 off bhi milega. Aur yahi nahin, agar aap Apple users hain to bhi aap iss offer ka fayda le sakte hain, apna Apple handset exchange kar ke. Jaha Apple users ko bhi Rs 3,000 ka off milega.

Company ke General Manager Vikas Agarwal ne bataya ki Amazon ke satah ki gayi partnership se dono hi companies ko bhadiya profit mila hai. Wahi beete samay mein OnePlus ne India mein 40-45% smartphone market ko bhi cover kiya hai. Jaha use customers ki taraf se bhi acha  response dekhne ko mila hai.

Yeh dono companies ke partnership ki 4th year hai, aur aane waale samay mein bhi hum bhadiya customers experience aur growth ke saath iss partnership ko banaye rakhenge.

Iske alawa yeh offers kaha par valid honge yeh bhi hum aapko bta dete hain. Amazon.in ke alawa yeh sabhi offers aur discount Croma Outlets par, OnePlus ke sabhi offline stores par, Reliance Digital Stores par aur OnePlus.in par aapko milenge.

Offers ke duaraan Citi Bank cardholder ke liye OnePlus 6T ke price kuch tarah rahenge:-

  • OnePlus 6T (6GB/128GB)  – Rs 34,999
  • OnePlus 6T (8GB/128GB)  – Rs 38,999
  • OnePlus 6T (8GB/256GB)  – Rs 42,999

OnePlus 6T ke basic specification ki baat karein to phone mein aapko 6.41 inch ki FHD+ optic AMOLED display milti hai jiska aspect ratio 19.5:9 diya hai. Phone ki screen ko corning gorilla glass 6 se protect kiya gaya hai. Yeh phone Oxygen 9 OS based Android 9.0 Pie ke saath aata hai jaha iss phone mein aapko 3800mAh ki battery milti hai. OnePlus 6T mein Qualcomm Octa core Snapdragon 845 processor diya gaya hai. Phone ke optics ki baat karein to OnePlus 6T mein 16MP ka primary aur 20MP ka secondary camera diya hai. Saath front facing camera bhi 16MP ka milta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: