Amazon Aur Flipkart Sale Mein Ye Hain, Top Smartphone Deals

Amazon Summer Sale & Flipkart Carnival Sale dono hi sirf 7th May tak chalne waali hain, aise mein smartphones par kaafi achhe offers mil rahe hain, lekin hum yahaan aapko dono online retail platforms ke best offers bataane waale hain. Agar aap bhi smartphones purchase karne mein interested hain, to Amazon aur Flipkart, dono par smartphones ki top 5 deals kaun si hain, neeche check kar sakte hain. Lekin in sabhi smartphones par ye offer, sirf kal tak valid hain.

Amazon Summer Sale

iPhone X

Amazon Summer Sale mein iPhone X, is samay tak ki sabse kam kimat par mil raha hai. iPhone X ko India mein 89,000 INR ke price par launch kiya gaya tha aur is sale mein is handset ki kimat 69,999 INR hai. Is smartphone par aapko approx. 19,000 INR ka discount mil raha hai.

iPhone X mein 64GB storage ke saath 5.8 inch ki OLED Super Retina display hai. A11 Bionic chipset ke saath aane waale is smartphone mein dual 12 MP rear cameras hain aur saath hi face unlock ke liye yahaan TrueDepth camera ka use kiya gaya hai. Agar aap iPhone ke fan hain, to is samay ye deal sabse achhi hai.

 

OnePlus 6T

Amazon ki sale mein is samay OnePlus 6T ke 8GB+128GB variant par aapko 9,000 INR ka discount mil raha hai. Is variant ko India mein 41,999 INR ke price par launch kiya gaya tha. OnePlus 6T mein 6.41 inch ki full HD+ display, Corning Gorilla Glass 6 protection aur Snapdragon 845 chipset moujood hai. Saath hi 16+20 MP ka dual rear camera setup aur 20 MP ka frontal sensor diya gaya hai.

Ismein in-display fingerprint scanner hai aur Dash Charge technology ke saath 3700mAh ki battery fitted hai.

Honor Play

Honor Play ko India mein last year 19,999 INR ke starting price par launch kiya gaya tha. Is handset mein bhi wide notch ke saath full HD+ display aur Kirin 970 chipset moujood hai. Ismein 16+2 MP ke dual rear cameras hain aur fast charging support ke saath 3750mAh ki battery hai.

Selfie fans ke liye Honor Play mein 16 MP ka selfie shooter hai. Amazon Summer Sale mein ye smartphone 13,999 INR ke price par available hai.

Honor View 20

Isi year punch-hole selfie camera ke saath India mein enter karne waala Honor View 20 bhi, is sale mein best price par available hai. Is smartphone ke 6GB+128GB version par is samay 5,000 INR ka cashback offer diya jaa raha hai. Agar aap is smartphone ko SBI credit ya debit card se purchase karte hain, to extra 1,500 INR ka cashback offer bhi yahan mil raha hai.

Flipkart Summer Carnival

iPhone XR

Amazon ke mukaable, Flipkart ki sale mein iPhone XR ka 64GB version aur bhi cheaper hai. Yahaan aap is smartphone ko 59,990 INR ke price par kharid sakte hain. Saath hi HDFC credit/ debit card holders ke liye yahaan extra 5,990 INR ka offer hai.

Realme 2 Pro

Flipkart Summer Carnival mein Realme 2 Pro par bhi aapko 4,000 INR tak ka off mil raha hai. Realme 2 Pro ke 4GB+64GB version ki launch price 13,990 INR se kam hokar, is sale mein 10,990 INR reh gayi hai. Wahin iske 6GB+64GB variant ki launch price 15,990 INR hai, jo sale mein aapko 11,950 INR ka mil raha hai.

Nokia 6.1 Plus

Nokia 6.1 Plus ko India mein 15,999 INR ke price par launch kiya gaya tha, lekin is sale mein ye handset 12,999 INR ke price par available hai. Is smartphone ki build quality kaafi achhi hai aur ismein 5.8 inch ki full HD+ display, Snapdragon 636 chipset, aur 3060mAh ki battery moujood hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: