Amazon Aur Flipkart Par Shuru Huyi Honor Gala Festival Sale, Honor Ke Phones Aur Wearable Par Mil Rahe Hai Unbelievable Offers

Flipkart aur Amazon par 5 days ki Gala Festival Sale shuru ho chuki hai. Sale 8th April se shuru ho kar 12th April tak chalegi. Yeh sale Honor ne India mein apne 5 years complete hone par organize ki hai. Iss sale mein aapko inn dono e-commerce website par Honor ke smartphones aur wearable devices  par discounted price mein offer kiye jaa rahe hain. Sale mein Honor ke mid range phones se le kar flagship phones tak aapko milenge.

Sabse pehle baat kar lete hain wearable ki jo aapko sirf Amazon India ki website par milenge. Ismein Honor Band 4 aur Honor Watch Magic include hai. Honor band 4 par company Rs 100 ka off de rahi hai jiske baad yeh band aapko Rs 2,499 mein milega. Iske alawa Honor band 4 Running Rs 100 ke off ke baad Rs 1,499 mein mil raha hai. Iske alawa Honor watch ki premium series Honor Watch Magic par bhi company Rs 1,000 ka discount de rahi hai. Jiske baad Honor Watch Magic ka Moonlight silver variant aapko Rs 13,999 mein aur Lava Black variant Rs 12,999 mein milega.

 

Ab baat karte hain unn sabhi smartphones ki jo iss sale ke dauraan aapko milenge. Flagship phones mein aapko Honor 10 aur Honor View 20 dekhne ko milnge. Honor View 20 ki starting price Rs 37,999 rakhi gayi hai. Iss phone ko credit ya debit card ke through purchase karne par company Rs 3,000 tak ka instant discount de rahi hai saath hi 9 months ka No Cost EMI ka option bhi iss phone par diya jaa raha hai. Iske alawa Honor 10 par bhi Rs 10,000 ka off mil raha hai jiske baad yeh phone aapko Rs 24,999 mein milega.

Honor ka best gaming smartphone Honor Play iss sale mein Rs 13,999 mein mil raha hai. Iss price mein company aapko 4GB/64GB variant offer kar rahi hai. Honor ka most selling smartphone Honor 8X iss sale mein Rs 12,999 mein diya jaa raha hai jahaan iss hone mein aapko 4GB/64GB storage milti hai. Dual cameras ke saath aane wala most affordable smartphone Honor 7C bhi iss sale mein include kiya gaya hai. Honor 7C ka 3GB/ 32GB variant Rs 7,499 mein aur 4GB/64GB variant Rs 8,499 mein milega. Wahin Honor ke 8C par bhi company Rs 5,000 ka off de rahi hai jiske baad Honor 8C ka 4GB/32GB variant Rs 8,999 mein offer kiya jaa raha hai. Yeh sabhi offers Amazon India ki website par aapko milenge.

 

Gradient glass finish aur wide notch ke saath aane wala Honor 9N iss sale mein Rs 9,499 ka diya jaa raha hai jiski capacity 4GB/64GB hai. Wahin iss phone ka 4GB/128GB variant Rs 11,999 mein milega. First time offer mein company ne Honor 10 Lite ko rakha hai jahaan yeh phone Rs 12,999 mein offer kiya jaa raha hai. Iss price mein aapko 4GB/64GB storage dekhne ko milega. Iss phone ki highlight mein iska 24MP ka AI selfie camera hai. Honor ka cheapest smartphone Honor 7S iss sale ke duaraan sirf Rs 5,499 mein milega jismein 2GB/16GB storage di gayi hai. Wearable ki baat karein to Flipkart par aapko Honor Band 3 offer kiya jaa raha hai jiski discounted price Rs 1,999 hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: