Amazing Price Aur Specs ke Saath India Mein Launch Hua Vivo V15 Pro: First Impressions & Unboxing Video Check Karein

Vivo ke jis smartphone ka intezaar hum sabhi ko tha, company ne aaj use India mein launch kar diya hai. Vivo V15 Pro ko New Delhi mein ek launch event ke dauraan introduce kiya gaya. Jaisa ki hum aapko kal ki leak mein bhi bata chuke hain, ye handset Topaz Blue aur Red color mein launch kiya gaya hai. Aaiye zara detail mein jaante hain ki kya khaas hai is naye smartphone mein.

 

Vivo V15 Pro ki highlight ye hai, ki ye world ka first smartphone hai, jo 32 MP pop-up selfie camera ke saath launch kiya gaya hai. Ye front camera Samsung ISOCELL GD1 sensor aur f/2.0 aperture ke saath aayega. Iske alawa ismein aapko in-display fingerprint sensor diya gaya hai jo ki 0.37 seconds mein phone ko unlock karta hai.

Is smartphone ki ek aur khaas cheez ye hai ki ye triple rear cameras ke saath aayega. Iska main camera 48 million quad pixel sensor ke saath diya gaya hai, jo effectively 12 MP ki images produce karega, lekin company ke according ye better images offer karta hai, even low light mein bhi iski performance achhi hogi. Iske alawa secondary 8 MP ka camera 120 degree wide angle lens ke saath yahaan par moujood hai. Wahin 5 MP ka third camera depth focusing ke liye diya gaya hai. Vivo V15 Pro ke camera mein aapko naya AI Super Night mode bhi milta hai.

Ab badhte hain is handset ke other features ki taraf, ismein 6.39 inch ki full HD+ Super AMOLED display hai, jo ki 19.5:9 aspect ratio ke saath fitted hai. Wahin ye smartphone Octa Core Snapdragon 675 AIE processor par chalta hai, jiski clock speed 2.0 GHz hai. Isi ke saath ismein aapko 6GB ki RAM aur 128GB ki internal memory di gayi hai.

Vivo V15 Pro mein FunTouch OS 9 ke saath Android 9.0 Pie operating system hai. Saath hi phone ki battery capacity 3700mAh ki hai, jo Dual Engine fast charging support ke saath aayegi, lekin yahaan par USB Type-C port nahin, balki micro USB port hi aapko milne waala hai.

Vivo ke pop-up selfie camera ke bahaar aane ki speed 0.46 seconds hain, isi ke sath ye camera face unlock feature ke saath bhi aata hai, jo ki phone ko 0.55 seconds mein unlock karta hai. Face unlock set karne ke baad, aap jab bhi power button press karenge, pop-up camera apne aap bahaar aayega, phone unlock hoga aur isek baad wo immediately andar ho jaayega. Connectivity ki baat karein to, yahaan par dual 4G VoLTE, dual band Wi-Fi 802.11 ac, Bluetooth 5.0, GPS, Micro USB port, 3.5mm audio jack aur dual SIM support milta hai.

Ab pricing details ke baare mein bhi aapko bataate hain. Vivo V15 Pro ka price 28,990 INR hai. Is handset ko Amazon, Flipkart, Paytm, jaise sabhi leading online retailers aur major offline stores se 8th March 2019 se kharida jaa sakta hai. Pre-orders aaj se hi shuru ho rahe hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: