Always On Retina Display Ke Saath Launch Huyi Apple Watch Series 5

Apple ne apne special Apple event mein kal iPhone 11 Series smartphone aur iPad ke alawa Apple Watch Series 5 ko bhi announce kiya hai. Iss watch ka Always On display feature ise baaki Apple watches se different banata hai. Ismein watch ki display hamesha on rehti hai, jis se aapko time aur baaki notifications check karne ke liye watch ki screen ko baar baar touch nahi karna padta hai.  Apple Watch series 5 mein aapko case material ki wide range mil jaati hai, jismein Aluminum, stainless steel, ceramic aur titanium case include hain.

 

Yeh Apple Watch Series 5, WatchOS 6 par kaam karti hai. Watch mein Apple ka naya 64bit dual core S5 processor use kiya gaya hai. Iss watch ki help se aap apni health aur fitness ka bhi dhayan rakh sakte hain. Ismein aapko cycle tracking aur activity trends jaise naye fitness features diye gaye hain.

Yeh watch 40mm aur 44mm sizes mein available hai, jismein aapko ceramic aur sapphire crystal back finish milta hai. Watch ki thickness 10.7mm hai. Digital crown ke saath ismein aapko haptic feedback feature bhi diya gaya hai. 44mm display wali watch ka display resolution 368×448 aur 40mm display wali watch ka screen resolution 324×394 milta hai. Yeh display LTPO (low-temperature polysilicon and oxide) OLED ke saath aata hai. Ismein ultra low power display driver diya gaya hai, saath hi efficient power management integrated circuit system bhi aapko iss watch mein milta hai.

Apple Watch Series 5 mein di gayi battery 18 hour ka battery life provide karti hai. Watch mein aapko in-built compass aur updated map diya gaya hai, jo ki behtar aur accurate navigation mein help karta hai. 32GB internal storage ke saath aane wali iss watch mein aapko W3 chipset ki wireless connectivity milti hai. Iske alawa Apple Watch Series 5 ke cellular model mein aapko international emergency calling ka feature bhi milta hai. Yeh features fall detection ke liye bhi kaam mein aata hai. Emergency situation mein yeh device international calls bhi support karti hai.

Apple Watch Series 5 ke GPS variant ko aap Rs 40,900 mein aur GPS+Cellular variant ko Rs 49,900 mein purchase kar sakte hain. India mein iss watch ko 27th September se purchase kiya jaa sakta hai. Series 5 Watch ke sabhi bands jaldi hi Apple ke authorized stores mein sale ke liye available honge. Inn mein Apple Watch Nike band bhi include hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: