Aaj hum aapko aise birds ke baare mein bataane jaa rahe hain jo ek jagah nahi rukte hain. Season (Mausam) mein hone wale changes ke saath hi yeh bhi apni jagah badalate rahte hain. India ek aisi country hai jahan aapko 12 months ke andar 4 seasons (Mousam) dekhne ko milte hai. Jahan har season alag alag tarah ke birds ke liye familiar hota hai. Islie alag alag countries se kaafi quantity mein yeh birds India aate hain. Jahan inka aane ka reason food, breeding ya nesting ho sakta hai.
Siberian Cranes 
Siberian Cranes ya snow cranes India mein Winter season ke dauraan aate hain. Yeh cranes Rajsthan ke Bharatpur mein bane Keoladeo National park mein har saal Russia aur Siberia se India aate hain.
Greater Flamingo
Greater Flamingo, flamingos ki sabse badi breed hai jo ki Indian Continent mein paayi jaati hai. Yeh migratory birds India mein winter season mein Nal Sarovar bird Sanctuary, Khijadiya Bird Sanctuary, Gujarat Thol Bird Sanctuary aur Flamingo City mein paaye jaate hain.
Black Winged Stilt
Black Winged Stilt ek slim body aur thin legs wala bird hai, jo jyadatar wet areas ke aas pass paaya jaata hai. Iske alawa iss bird ki 5 aur alag alag breeds hain jo ki alag alaag jagahon par paayi hai jinmein Black Necked Stilt, White Backed Stilt, Black Winged Stilt, Black Headed Stilt aur White Headed Stilt shaamil hai. Basai wetland, Pune Shallow Lakes aur Gujarat water Ponds ke aas pass inn birds ko winter season mein dekha jaa sakata hai.
Osprey/Sea Hawk
Yeh birds jyadatar night mein travel karte hain. Yeh birds apni speed ke liye jaane jaate hain jahan inki minimum travelling speed 240-260 KM/day hai aur maximum distance cover speed 431 Km/Day hai. India mein yeh breed winter season meinn Indian Subcontinent aur aquatic areas mein dekhi jaati hai.
Blue Throats
Alaska mein paayi jaane wali yeh breed winter season ke dauraan India mein Rajsthan aur gujrat ke kuch area mein dekhi jaati hai, Yeh bird apni musical mimic voice ke liye jaani jaati hai.
Rosy Starling
Apni sundar awaaz ke liye famous yeh bird 20 se bhi jayda birds ki voices copy kar sakti hai. Iske alawa yeh wild areas ke saath saath human ke beech rehne mein bhi comfortable hoti hai. Yeh aisi breed hai jo lagataar ek country se dusri country mein migrate ki tarah ghumti rehti hai.
Great White Pelican
Great White Pelican ek aisa bird hai jiski long beak hoti hai saath hi iski throat ke neeche ek bag ya pouch jaisi skin hang karti hai. Africa aur East Europe mein yeh breed jyadatar paayi jaati hai. lekin winter season ke dauraan yeh Gujrat, Assam, Uttar Pradesh aur Rajsthan mein dekhne ko milti hai.
Plover
Plover Alaska aur Siberia ke extreme cold cliamte mein paaye jaane wale birds hain. Yeh birds lagataar 50 hours tak fly kar ke travel kar sakte hain. Winter season ke dauraan yeh India ke east zone mein dekhe jaate hain.
Peregrine Falcon
Apni speed ke liye famous yeh migrate bird 200 Mph ki speed se apni prey (Shikaar) ko pakad sakta hai. Yeh India mein hills, mountains, semi-desert area ke aas pass dekhne ko milte hain.
