Airtel & Vodafone Idea Customers Ke Liye Buri Khabar: 1 December Se Badhenge Tariffs

Kya aap bhi Airtel ya Vodafone Idea ke customer hain, agar haan, to call charges badhne waale hain. Haal hi mein market mein khabar ye thi ki Vodafone jaldi hi India se jaane waali hai, lekin company ne tariff charges badhaane (increase karne) ki khabar dekar in rumors ko jhootha saabit kar diya hai.

Darasal, Vodafone Idea aur Airtel ne ye announce kiya hai ki telecom market mein jo financial stress ya losses ho rahe hain, unse bahaar aane ke liye companies December 1, 2019 se tariff charges increase karne waali hain.

Kuch hi samay pehle tak Vodafone ke market mein shares 5.80 INR tak the, lekin aaj is khabar ke saath company ke share ki kimat 29.75 percent badh gayi hai. Vodafone aur Airtel ke market shares mein aaj 30 percent ki badhotari hui hai.

Analysts ka kehna hai ki ARPU mein badhta hua Re. 1 bhi Vodafone Idea ka revenue badhaane mein kaafi helpful hoga. Isi tarah tariff charges badhaane se hi Airtel ka revenue bhi upar jayega aur dono companies ke losses kuch kam hokar market mein vapaasi ho payegi.

Tariff increase karne ko lekar Airtel ka kehna hai ki, “ Tariff increase karne ke saath apne customers ko affordable tariffs to provide karenge, lekin saath hi ye decision company ki needs ko poora kar, ek balance banaaye rakhega, taaki company successfully kaam kar sake aur customers ki needs ko poora kar sake. Isi ke saath company digital infrastructure mein bhi zaroorat ke hisaab se invest kar sakegi aur customers ko jo chahiye waise hi quality standards maintain kar sakegi.”

Well, ye to pakka hai ki Airtel aur Vodafone tariffs badhaane waale hain, lekin kitna increase hoga, plans kya honge iski abhi koi information nahin hai. Iske liye humein thoda wait karna hoga.  

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: