Airtel Ne India Mein Launch Kiye Airtel Xstream Box Aur Airtel Xstream Stick

Airtel ne aaj India mein Airtel Xstream platform ko announce kar diya hai. Iske andar user ko ek hi platform par sabhi tarah ka content dekhne ko milega. Iss platform ke andar company ne Airtel Xstream Stick aur Airtel Xstream 4K Hybrid Box ko launch kiya hai. Company ka kehna hai ki unka yeh Xstream Box kisi bhi regular TV ko smart TV bana sakta hai. Iske alawa Airtel TV app ko Airtel Xstream App ke naam se introduce kiya gaya hai.

Airtel Xstream App mein aapko 400 se jyada channels, 10,000 plus movies aur shows, Hungama, Eros Now, Zee5 jaise platform dekhne ko milenge.

 

Baat karein iss Airtel Xstream set-top box ki to ismein aapko in-built cromecast milta hai. Ismein aap 500 se jayada channels ko choose kar sakte hain. Itna hi nahi, yeh set-top box Wi-Fi aur Bluetooth connectivity ke saath aata hai. Xstream box Android 9 Pie operating system ke saath aata hai, jiski help se aap satellite TV aur OTT content ko ek saath TV par dekh sakte hain. Iss box mein aapko Netflix, Amazon Prime, YouTube jaise apps pre-loaded milte hai, saath hi high end gaming ke liye iss box mein Airtel Store diya gaya hai. Airtel Xstream box ke saath aane wale universal remote par aapko Google Assistant voice search ke liye ke dedicate button diya gaya hai. Iske alawa remote par Netflix, YouTube aur Amazon Prime Video ke liye bhi dedicated button aapko milta hai.

 

Airtel Xstream Stick single subscription plan ke saath aati hai.  Yeh Android 8.0 based, OTT stick lagbhag sabhi TVs ko support kar sakti hai. Iss stick ke through ke aap Netflix, Amazon Prime video, Youtube Videos aur Google Play store ke sabhi apps ko access kar sakte hain. Iss stick mein 1.6 Ghz processor ka use kiya gaya hai. Yeh stick bhi in-built cromecast support ke saath aati hai. Saath hi ismein Bluetooth 4.2 connectivity bhi aapko milti hai.

Airtel Xstream Stick ki keemat Rs 3,999 rakhi gayi hai. Iske alawa Airtel Xstream Box bhi aap Rs 3,999 mein hi milta hai. Airtel Xstream box mein aapko complimentary one year subscription plan Rs 999 mein milta hai. Airtel Digital TV ke present customer sirf Rs 2,249 mein Airtel Xstream box ko upgrade kar sakte hain. Airtel Thanks Platinum aur Gold customers ko Airtel TV stick par contents subscription plan ka complimentary access diya jaayega. Customers iss dono hi products ko Flipkart se online purchase kar sakte hain. Iske alawa yeh devices Airtel.in, Airtel stores, Croma Stores, Vijay Sales aur sabhi bade electronics stores se purchase kiye jaa sakte hain.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: