Airtel Wi-Fi Zone Announce Hua: Public Places Mein Airtel Wi-Fi Zone Mein Prepaid User Ko Milega 10GB Free Data

Indian telecom industry mein Reliance Jio ke aane ke baad, competition kaafi tough hota jaa raha hai aur isiliye kaafi samay se Jio, Airtel aur Vodafone mein behtar aur competitve prices ke saath offers dene ki behas si chidi hui hai. Aise mein aaj Bharti Airtel ne apne customers ke liye Airtel Wi-Fi Zone service ko announce kiya hai.

 

 

Iss service ke through subscribers 500 se jyada locations par Wi-Fi hot-spot se connect ho sakenge. Initially yeh service sirf prepaid user ke liye start ki gayi hai. Baad mein postpaid user ke liye bhi iss service ko launch kiya jaaega. Airtel subscriber ke liye yeh service free hogi. Apne number par chal rahe plan ke according wah iss service ko use kar paaenge.

Yeh service specially public places jaise colleges, hospital, airport par shuru ki jaaegi. Iss service ka benefit lene ke liye Airtel Wi-Fi zone mein hone par aapko apne phone mein My Airtel App mein login karna hoga. Jis se aapko kuch requests ko allow karne ke baad OTP milega. Iske baad apne number ke saath Wi-Fi network par sign in karne par aapko Airtel user ka option dikhai dega. Iss option par click karne ke baad aapko dobara OTP milega, jiske baad aap iss Wi-Fi se connect ho kar internet use  kar sakte hain.

Abhi yeh service Delhi, Pune, Hyderabad aur Karnataka ke kuch locations par shuru kar ki jaayegi aur uske baad jaldi hi other locations par bhi company apni iss service ko expnad karegi. Iss service mein user ko 10GB data diya jaaega jo ki user ke account mein show hoga.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: