Airtel Aur FLO Ne Mil Kar Launch Kiya Women Safety App My Circle, Non-Airtel Users Bhi Kar Sakte Hain Use

Telecom operator Bharti Airtel ne FICCI Ladies Organization (FLO) ke saath mil kar ek women safety app ko launch kiya hai. Iss app ka naam My Circle App hai. Women safety ke liye design kiye gaye iss app ki  khass baat yeh hai ki isse na Airtel users balki sabhi telecom companies ke users use kar sakte hain. Iss app ko simple design kiya hai jis se problematic situation mein hone par ladies ek click se apni family ya friends se connect ho sakein ya unhe inform kar sakein. Company ne iss app ko Android aur iOS dono hi platform ke liye launch kiya hai.

My circle App mein ladies apne family ya friends ke 5 members ko add kar sakti hain. Iss app mein users Hindi, English, Tamil, Telugu, Malayalam, Marathi, Kannada,Urdu, Punjabi, Bangla, Aashami, Oriya aur Gujarati sahit 13 languages mein SOS/emergency message send kar sakte hain.

 

Critical ya problematic situation mein user My circle App mein jaa kar SOS prompt button ko ek baar press kar ke app mein add kiye gaye 5 members ko SOS message send kar sakti hain. Message ke receiver hote hi receiver ko user ki location ke baare mein bhi pata chal jaayega, jis se wah immediately location par help pahucha sakta hai ya fir khud bhi pahuch sakta hai. Company ne yeh bhi bataya ki wah jaldi hi iss app mein Google Voice Assistant ka feature bhi add karegi jis se user quick reaction de sake.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: