Affordable Price Tag ke Saath India Mein Launch Hua Infinix Hot 7 Smartphone

Infinix Hot 7 smartphone aaj India mein launch kar diya gaya hai. Yeh phone last month launch kiye gaye Infinix Hot 7 Pro ka hi ek cheaper variant hai. Company ne iss phone ko Mid night Black, Aqua Blue aur Mocha Brown color mein launch kiya hai. Iss phone ko budget range mein announce kiya gaya hai.

 

Infinix Hot 7 mein 6.19-inch ki HD+ display di gayi hai, jiska screen aspect ratio 19:9 diya gaya hai. Phone ki brightness 500 Nits aapko milti hai. Phone ko metal unibody design kiya gaya hai jismein 2.5D glass ko use kiya gaya hai. Phone mein aapko MediaTek Helio P25 (MTK6757CD)Processor milta hai. Infinix Hot 7 smartphone mein Android 9 Pie operating system diya gaya hai. Iss phone ke rear panel par aapko finger print scanner ka option mil jaata hai, saath hi yeh phone face unlock ko bhi support karta hai.

 

Phone mein rear aur front panel par dual 13MP+2MP ka dual camera setup milta hai. Phone ka rear camera 8 scene detection modes aur AR stickers, AI HDR jaise features ke saath aata hai. Iske alawa front facing camera mein bhi aapko AI Portrait mode, AI Beauty mode jaise features mil jaate hain. Iss phone  ko single storage variant mein launch kiya gaya hai jahaan aapko 4GB RAM ke saath 64GB internal storage dekhne ko milti hai. Phone ki storage ko microSD card ki help se 256GB tak expand kiya jaa sakta hai. Inn sabhi specs ke saath yeh phone 4000mAh ki battery ke saath aata hai.

Yeh phone 15 July se Flipkart par sale ke liye available hoga, jahaan iss phone ko purchase karne ke liye aapko Rs 7,999  dene padenge.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: