Affordable Price Par Mid-January Mein India Mein Launch Hoga, Honor 10 Lite

Flipkart par Honor 10 Lite ka page aa chuka hai aur ye smartphone jaldi hi India mein launch hone jaa raha hai. Honor 10 Lite ki khaasiyat hai, Kirin 710 chipset, jo ki aapko Snapdragon 636 aur 660 se better performance dene ka daava karta hai aur ismein aane wala 24 MP ka AI front camera.

Honor 10 Lite ko India mein mid-January, 15th of Jan, 2019 ko launch kiya jayega. Is smartphone ke features ki baat karein to ismein waterdrop notch ke saath 6.21 inch ki display milti hai, jo 19.5:9 aspect ratio aur full HD+ resolution ke saath aati hai.

Ismein 13+2 MP ke dual rear cameras hain aur saath hi 24 MP ka AI front camera bhi moujood hai. Company ki maanein to, daylight ho ya low light, Hono 10 Lite achhe AI powered selfies click kar sakta hai. Ye handset Kirin 710 chipset par chalta hai, aur ismein aapko 4GB ki RAM aur 64GB ki internal storage milti hai.

ALSO READ: Best Looking Smartphones Of 2018

Ye smartphone Android 9.0 Pie OS based EMUI 9.0 skin ke saath aayegi. Honor 10 Lite mein fast charging ke saath 3320mAh ki battery hai. Is smartphone ki kimat China mein 1399 yuan hai yaani ki lagbhag  14,000 INR.

Iske alawa Honor ne aaj yaani ki 8th January ko bhi India mein ek selfie phone ke launch ki announcement ki hai, lekin company actually aaj kaun saa smartphone launch karne jaa rahi hai, iska abhi tak kuch pata nahin hai. Company ne 8th January ko 8 pm ke liye ek event schedule kiya hai.

ALSO READ: Snapdragon 845 Vs Snapdragon 855: Find Out The Difference

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: