Affordable Price Par Launch Huye Rear Quad Camera Smartphones, Oppo A9 (2020) Aur Oppo A5 (2020)

Oppo ne aaj expected launch date se pehle hi India mein apne do smartphones, Oppo A9 (2020) aur Oppo A5 (2020) ko launch kar diya hai. Donon hi phones affordable price par launch kiye gaye hain. Donon phones mein camera ke alawa lagbhag sabhi specs aur features same diye gaye hain.

Oppo A9 (2020) aur Oppo A5 (2020) donon hi phones, 6.5 inch ki HD+ display ke saath aate hain, jismein aapko waterdrop notch di gayi hai. Donon phones ki display mein corning gorilla glass 3+ ka protection diya gaya hai. Yeh donon phones Octa Core Snapdragon 665 11nm mobile platform processor ke saath aate hain, jiske saath aapko Adreno 610 GPU milta hai. Phones ke rear panel par finger print scanner diya gaya hai.

Oppo A9(2020) mein aapko 48MP (f/1.8 aperture) ka primary rear camera, 8MP (f/2.25 aperture) ka 119° ultra-wide angle lens ke saath secondary camera, 2MP (f/2.4 aperture) ka depth sensing camera aur 2MP (f/2.4 aperture) ka 4cm macro lens use kiya gaya hai. Iske alawa Oppo A9 (2020) mein 16MP (f/2.0 aperture) ka front facing milta hai.

Oppo A5(2020) mein bhi aapko quad rear camera setup milta hai, lekin camera specs thode different diye gaye hai. Phone mein primary camera 12MP ( f/1.8 aperture) ka , 8MP (f/2.25 aperture) ka secondary camera 119° ultra-wide angle lens ke saath aur third camera 2MP (f/2.4 aperture) ka depth sensor ke saath aur fourth camera 2MP (f/2.4 aperture) macro lens ke saath milta hai. Oppo A5(2020) mein selfie camera 8MP (f/2.0 aperture) ka diya gaya hai.

Yeh phones 5000mAh ki battery ke saath aate hain. Behtar sound quality ke liye inn phones mein Dual Stereo Speakers ke saath Dolby Atmos ka support milta hai. Connectivity ke liye donon hi phones mein aapko dual 4G VoLTE, WiFi 802.11 ac, Bluetooth 5, GPS/ GLONASS/ Beidou ka support mil jaata hai. Oppo A9 (2020) mein aapko Marine Green aur Space Purple color option mil jaate hain, to wahin Oppo A5(2020) mein Dazzling White aur Mirror Black color option milte hain. Phones ke price aur storage variants ko aap neeche dekh sakte hain.

  • Oppo A9 (2020) (4GB/128GB) – Rs 16,990
  • Oppo A9 (2020) (8GB/128GB) – Rs 19,990
  • Oppo A5 (2020) (3GB/64GB)   – Rs 12,490
  • Oppo A5(2020) (4GB/64GB)   – Rs 13,990

Oppo A9 (2020) ki sale 16th September se Amazon.in par aur 19th September se offline market mein shuru ho jaayegi. Wahin Oppo A5 (2020) 21st September se Amazon.in aur offline market mein sale ke liye available hoga.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: