Affordable Price Par Launch Hua Xiaomi Redmi Note 6 Pro: Specs, Price And Availability Check Karein

Xiaomi ne aaj India mein Redmi Note 6 Pro launch kar diya hai. Is affordable smartphone ko New Delhi mein ek launch event ke dauraan showcase kiya gaya, jahaan iske two storage options dikhaaye gaye.

Ab is smartphone ke features ki baat zara detail mein karte hain.

Design And Display

Xiaomi ne is smartphone mein design ko lekar kuch khaas badlaav nahin kiye hain. Front par aapko ek notch zaroor mil jaata hai, otherwise ye Redmi Note 5 Pro jaisa hi hai. Volume rocker aur power button aapko right edge par milte hain, jabki SIM tray left edge par hai. Iske rear panel par upper left corner mein vertically dual cameras fit kiye gaye hain, jinke beech mein LED flash light hai. Saath hi front par notch mein bhi dual cameras hi hain. Iske alawa aapko rear mounted fingerprint sensor bhi yahaan mil jaata hai.

Redmi Note 6 Pro mein 6.26 inch ki full HD+ 19:9 2.5D curved display di gayi hai, jise protect karne ke liye Corning Gorilla Glass bhi moujood hai.

Processor And Storage

Redmi Note 6 Pro mein aapko wahi processor mil raha hai, jo ki February 2018 mein launch huye Redmi Note 5 Pro mein diya gaya tha. Ismein bhi Octa Core Qualcomm Snapdragon 636 SoC hi hai, jiske saath Adreno 509 GPU bhi moujood hai.

Is smartphone mein 4GB LPDDR4x RAM  ke saath 64GB internal memory option hai aur 6GB LPDDR4 RAM ke saath bhi 64GB ki internal memory hi di gayi hai. Halaanki ise aap microSD card slot ke zariye additional 256GB tak badha sakte hain.

Cameras

Redmi Note 6 Pro mein 12 MP ka primary camera hai jo ki LED flash light aur f/1.9 aperture ke saath diya gaya hai, wahin iska secondary rear camera 5 MP ka hai aur f/2.2 aperture ke saath aata hai.

Ismein dual selfie cameras diye gaye hain. Primary front camera 20 MP ka hai jo ki Sony IMX376 sensor, f/2.0 aperture ke saath milte hain, jabki secondary 2 MP ka sensor, f/2.2 aperture ke saath aata hai.

Battery

Redmi Note 6 Pro mein 4000mah ki battery di gayi hai.  Ismein aapko Qualcomm Quick Charge 3.0 fast charging support yahaan par mil jaata hai.

Price And Availability

Is smartphone mein 4GB+64GB variant ka price 13,999 INR hai, jabki 6GB+64GB version ko aap 15,999 INR mein purchase kar sakte hain. Ye handset kal yaani ki 23rd November, 2018 se hi available hai. Ise aap Flipkart, Mi.com aur Mi Home stores se purchase kar sakte hain.

Lekin agar aap is smartphone ko Flipkart se kal ki Black Friday Sale mein kharidte hain, to aapko 4GB variant ke liye 12,999 INR aur 6GB variant ke liye 14,999 INR hi dene honge. Saath hi HDFC debit / credit card waalon ko 500 INR ka off milega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: