Affordable Price Par Launch Hua Honor 8C : Notch Display, Dual Rear AI Cameras & More

Huawei ke e-brand Honor ne aaj India mein phir ek budget smartphone launch kar diya hai. Company ne aaj Honor 7C ke successor, Honor 8C ko launch kiya hai. Honor 8C, Blue and Black colors mein exclusively Amazon par 10th December, 2018 se available hoga.

Iske alawa Jio users ko is smartphone ke saath Rs. 4450 ke benefits / vouchers aur 100GB additional data bhi offer kiye jayenge.

Aaiye badhte hain, is smartphone ke specs ki taraf:

Honor 8C ko 6.26 inch ki HD+ display aur Octa Core Qualcomm Snapdragon 632 processor ke sath launch kiya gaya hai. Ismein 4GB ki RAM aur 32GB / 64GB ke internal storage options aapko milenge.

Is handset mein triple card slots hain – jinmein se two SIM slots aur ek dedicated microSD card slot hai, jiske through aap memory ko additional 256GB tak extend kar sakte hain.

Honor 8C mein 13+2 MP ke dual rear cameras hain, jo f/1.8 aperture aur LED flash light ke sath aapko yahaan diye gaye hain. Saath hi ye camera AI scene recognition feature ke saath bhi aata hai, jo 500 scenarios ko detect kar sakta hai. Wahin, iska front facing camera 8 MP resolution, f/2.0 aperture aur LED flash light ke saath fit kiya gaya hai.

Is budget smartphone mein aapko 3D nano-level texture design ke saath gradient colors options, notch display aur rear mounted fingerprint sensor jaise features bhi mil jaate hain. Honor 8C mein 4000mAh ki battery di gayi hai, jo company ke according two days ka battery backup, easily de sakti hai. Halaanki ismein fast charging support nahin hai.

Iske alawa ismein dual 4G VoLTE connectivity, Wi-Fi 802.11 b/g/n, Bluetooth 4.2, GPS + GLONASS, micro USB port aur 3.5mm audio jack ka support bhi mil jaata hai.

Ab price ki baat karein to, Honor 8C ke 4GB+32GB variant ka price 11,999 INR aur 4GB+64GB version ka price 12,999 INR hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: