Affordable Price Par India Mein Launch Hua Samsung Galaxy Tab A8

Samsung ne A series ke ek aur tablet Galaxy Tab A8 ko India mein launch kar diya hai. Iss tab ko affordable price par announce kiya gaya hai. Galaxy Tab A8 Wi-Fi aur Wi-Fi + LTE do different variants mein aata hai. Iss tab mein Kids Home Mode diya gaya hai, jo ki child friendly users interface provide karta hai. Iss mode ko quick panel ke through enable kar sakte hain. 

 

Samsung Galaxy Tab A8 mein, 8 inch ki WXGA TFT display di gayi hai, jiska screen aspect ratio 16:10 milta hai. Iss tablet mein 2.0 GHz Quad-Core Snapdragon 429  processor use kiya gaya hai. Iske alawa yeh tablet Adreno 504 GPU ke saath aata hai. Tab mein 8MP ka auto-focus rear camera aur 2MP ka front facing camera diya gaya hai.

Also Read : Samsung Galaxy Tab S6 Launch With S-Pen 

Iss tab ko single storage variants mein launch kiya gaya hai, jismein aapko 2GB RAM ke saath 32GB internal storage milti hai. Tab ki storage ko aap microSD card ki help se 512GB tak expand kar sakte hain. Yeh tab Android 9 Pie operating system ka saath aata hai. Iss tab mein aapko Black aur Silver do color option mil jaate hain. Audio output ke liye, tab mein dual speakers diye gaye hain, saath hi iss tab mein 3.5mm headphone jack ka option bhi aapko mil jaata hai. Iss tablet mein 5100mAh ki battery di gayi hai. Inn sabhi specs ke alawa yeh tab 4G LTE, WiFi a/b/g/n (2.4 + 5 GHz), Wi-Fi Direct, Bluetooth 4.2, GPS + GLONASS / Beidou jaise connectivity options ko support karta hai.

Samsung Galaxy Tab A8 ke Wi-Fi variant ko aap Rs 9,999 mein aur Wi-Fi+ LTE variant ko Rs 11,999 mein purchase kar sakte hain. Wi-Fi variant ki pre-booking Flipkart par already start ho chuki hai, iske alawa Wi-Fi+LTE variant ko aap iss month ke end se offline aur online dono hi market se purchase kar sakenge.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: