Affordable Price Mein Punch Hole Display Ke Saath Launch Hua Honor Play 3

Honor ne China mein apne budget range smartphone Honor Play 3 ko launch kar diya hai. Iss phone mein kaafi kam bezels dekhne ko milti hain, saath hi phone mein punch hole display di gayi hai. Phone mein security ke liye aapko sirf face unlock ka support milta hai. Ismein kisi bhi tarah ka finger print scanner nahi diya gaya hai. Phone ka back panel gradient color mein aata hai, jismein aapko Charm Red, Magic Night Black aur Aurora Blue color option milte hain. 

Honor Play 3 mein 6.39 inch ki HD+ all view display di gayi hai, jismein kisi bhi tarah ki notch nahi milti hai. Iss phone mein in-house built processor Octa-Core Kirin 710F 12nm  ko use kiya gaya hai, jo ki ARM Mali-G51 MP4 GPU ke saath aata hai. Iss phone mein EMUI 9.1.1 based Android 9 Pie operating system diya gaya hai.

Phone ki rear side par triple rear camera setup milta hai, jismein primary camera 48MP ( f/1.8 aperture) ka, secondary camera 8MP (f/2.4 aperture) ka ultra wide angle ke saath aur third camera 2MP ( f/2.4 aperture) ka depth sensor ke saath aata hai. Front panel par 8MP (f/2.0 aperture) ka punch hole selfie camera diya gaya hai. Iss phone mein 4000mAh ki battery di gayi hai jo ki 10W charger ke saath aati hai. Connectivity ke liye aapko iss phone mein dual 4G VoLTE, Wi-Fi 802.11 b/g/n, Bluetooth 5.0 LE ka support mil jaata hai.

Also Read : Honor 20S Next Month Hoga Launch 

Iss phone ko teen different storage variants mein launch kiya gaya hai. Inki storage aur price ko aap neeche dekh sakte hain.

  • Honor Play 3 (4GB/64GB)    –  CNY 999 (~Rs  10,060)
  • Honor Play 3 (6GB/64GB)    –  CNY 1299 (~Rs 13,080)
  • Honor Play 3 (4GB/128GB)  –  CNY 1299 (~Rs 13,080)

Yeh phone China mein pre-order ke liye already available hai, lekin iski sale 17th September se shuru ki jaayegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: