Affordable Price Ke Saath India Mein Launch Hua Vivo Y91

Aaiye Vivo fans, aapke liye company ek naya smartphone India mein launch kar chuki hai jiska naam Vivo Y91 hai. Ye Y series ka naya smartphone hai, jo waterdrop notch ke saath affordable segment mein launch kiya gaya hai. Is smartphone ko Starry Black and Ocean Blue color options mein aap aaj se hi purchase kar sakte hain. Iski price 10,990 INR hai.

Vivo Y91 ko aap online Amazon, Paytm, aur Vivo India E-store se purchase kar sakte hain aur saath hi ye all over India mein offline partner retailers par bhi available hoga. Vivo Y91 kharidne par Jio ki taraf se 3TB data ke saath 4,000 INR ke offers milenge. Airtel ki taraf se bhi aapko 2,000 INR ke offers diye jayenge jismein 240GB free data shaamil hai. Iske alawa 6 months tak ka no-cost EMI offer aur exchange par 500 INR extra off bhi diya jayega.

Aaiye ab zara iske features bhi jaan lete hain. Vivo Y91 mein 6.22 inch ki HD+ 19:9 display hai. Well, ye thoda sahi nahin lag raha hai, kyunki is price par kaafi companies aapko full HD+ display offer karti hain. Iske alawa ye smartphone Octa Core MediaTek Helio P22 chipset par chalta hai, jiski clock speed 2.0 GHz hai.

Company Vivo Y91 mein 2GB ki RAM ke saath 32GB ki internal storage de rahi hai, jise aap 256GB tak microSD card use karke expand kar sakte hain. Lekin kya aap is price point par 2GB ki RAM ke saath smartphone purchase karenge ? Well, ye aapka decision hai.

Ye ek dual SIM smartphone hai, jismein 13+2 MP ka dual rear camera setup hai aur ye LED flash light, f/2.2 aperture (main), f/2.4 aperture (secondary) jaise feature ke saath aata hai. Ismein 8 MP ka selfie camera f/1.8 aperture ke saath waterdrop notch mein fit kiya gaya hai.

Ismein aapko face unlock feature bhi saath diya gaya hai aur rear panel ke center mein fingerprint scanner bhi placed hai. Saath hi is 4G VoLTE handset mein 4030mAh ki battery di gayi hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: