Ab Xiaomi ke Sabhi AMOLED Phones Mein Milegi Always On Display Aur Dual Clock Function

Xiaomi, is samay kuch na kuch nayi technology develop karne mein busy hai. Pehle Redmi K20 series mein pop-up cameras, jo ki next month India mein launch hone waale hain, iske baad haal hi mein khabar aayi ki company under display camera phone par bhi kaam kar rahi hai aur aaj ki khabar ye hai ki Xiaomi apne phones ke liye enhanced Always on display feature par bhi kaam kar rahi hai.

Saath hi ek aur naye feature ke baare mein bhi sunne mein aa raha hai, jo ki Dual clock function hai. Aaiye jaante hain poori khabar.

Pehle AMOLED displays ke saath launch ho chuke Mi 9 aur Mi 8 mein bhi company AOD feature degi aur apne sabhi OLED panel ke saath aane waale phones par ye feature dene ki baat khud company ne Chinese social media platform Weibo par reveal ki hai.

Company ke according, dual clock function ke saath aane waale is AOD feature par kaam chal raha hai aur is samay ye feature sirf developer version mein hi available hai, jabki kuch samay baad, sabhi Xiaomi OLED phones par ye feature, software update ke through diya jayega.

Dual clock function always on displays mein aap, displays par two clock laga sakte hain, jo ki different countries mein travel karne waale, users ke liye ek achha feature hai.

Saath hi company ne bataaya ki Mi Note 2, Mi MIX 3, Mi 8, Mi 9 aur OLED panels ke saath future mein release hone waale sabhi phones par ye feature available hoga.

Iske alawa haal hi mein launch huye Redmi K20 aur K20 Pro mein bhi AMOLED displays hi moujood hain, aur kuch samay basd ye India mein launch hone waale hain, jo ki Xiaomi ke AMOLED displays ke saath aane waale India mein first phones honge. Expected hai ki company in smartphones mein bhi ye feature offer kare.

 

Source

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: