Ab Oppo Bhi Dega Realme X Ko Takkar, India Mein Launch Kar Raha Hai Same Specs Ka Phone

Realme, Oppo ka hi sub-brand hai, jo ki China mein Realme X ke launch karne se pehle sirf India centric hi raha hai. Realme ek affordable brand hai, jo Redmi aur Galaxy M series se compete kar rahi hai. Lekin ab lagta hai ki Oppo khud Realme ko takkar dene waala hai.

Darasal, Oppo July 19 ko India mein ek smartphone launch karne jaa raha hai, jiska naam Oppo K3 hai. Ye smartphone ek online phone hoga aur jahaan ek taraf aaj launch hua Realme X Flipkart exclusive hai, wahin Oppo K3 Amazon exclusive hoga.

Saath hi Oppo K3 ke specs bahut had tak Realme X se milte hain aur ye bhi same price range mein expect kiya jaa raha hai.

Oppo K3

Phone ki image aap upar dekh sakte hain, jismein dual rear cameras hain, pop-up selfie shooter hai aur rear panel par fingerprint sensor nahin hai, yaani ki yahaan bhi aapko in-display fingerprint scanner hi milne waala hai. Oppo K3 aur Realme X ka design kaafi similar hai.

realme X

Oppo K3 mein 6.5 inch ki full HD+ AMOLED display hai, aur Realme X mein bhi aapko yahi display milti hai. Iske alawa Oppo K3 bhi Snapdragon 710 chipset ke saath hi aane waala hai aur ismein bhi 3765mAh ki battery aapko VOOC fast charging support ke saath milne waali hai.

Ismein 16+2 MP ka dual rear camera setup hoga, jabki front par Realme X ki tarah 16 MP selfie shooter hi hai. Halaanki yahaan par storage options mein thoda difference dekhne ko milega. Jahaan Realme X mein 4GB aur 8GB RAM options ke sath 128GB storage mili hai. Wahin Oppo ke is phone mein 6GB + 64GB storage, 6GB + 128GB storage aur 8GB + 256GB storage options dekhne ko milenge. In sabhi variants ka price 16,000 se 23,000 INR ke beech expect kiya jaa sakta hai.

Design aur specs mein Oppo K3 aur Realme X kaafi had tak similar hain aur yahi reason hai ki competiton to hoga. Yahaan hum ye bhi keh sakte hain ki Realme X mein 4GB / 8GB RAM ke saath 128GB storage option ke alawa Oppo K3 mein aapko other storage models milte hain, jinse aapke paas choose karne ke liye kaafi options available hain.

Well, ab specs aur design dekhne ke baad aap kya kehna hai?

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: