Ab Jio GigaFiber Ka Connection Milega Aur Bhi Saste Price Par

Reliance Jio ka GigaFiber broadband plan ab tak aapko Rs. 4,500 ke security deposit par mil raha tha, lekin company ne aj ek aur cheaper plan announce kiya hai, jiski kimat 2,500 INR hai, yaani ki is plan par aapko poore 2,000 INR kam dene honge. Ye security deposit money hai, jo ki GigaFiber broadband connection cancel karte samay aapko poora return kiya jayega.

Dono Plans Mein Difference

Is Cheaper plan mein 4,500 INR waale plan ke comparison mein kuch changes bhi hain.

  • 4,500 INR security deposit ke baad, bataaya jaa raha hai ki aap TV aur GigaFiber ka combo choose kar sakte hain, jo ki 600 INR mein milta hai aur ismein aapko Gigabit Wi-Fi, IPTV, VR gaming, smartphone se connectivity, landline, etc. sab included milte hain.
  • Expected hai ki 2,500 INR ke deposit ke baad bhi 6,00 INR ke plan mein aapko ye sab kuch mile, jo ki bahut hi sasta plan hai.
  • Lekin 4,500 INR ke security deposit mein aapko GigaFiber Home Gateway ONT milta hai jo ki 2.4 GHz aur 5GHz bandwidth supported dual band connectivity ke saath aata hai aur ismein aapko 100mbps tak ki speed milti hai.
  • Wahin 2,500 INR ke security deposit ke baad, aapka ONT device single band connectivity ke saath milega aur usmein aapko kewal 50mbps tak ki hi speed milti hai.

  • Lekin is naye plan ki khaas baat ye hai ki ismein aapko free voice services bhi mil rahi hain, yaani ki 2,500 INR ka plan lene waale consumers, broadband ke through calls bhi kar sakte hain.
  • Is naye plan mein 1100GB monthly data free mein bhi offer kiya jaa raha hai.
  • Is samay 2,500 INR ka plan sirf Chennai aur Mumbai mein hi available hai.

Haalanki ab in dono mein se kaun sa plan better hai, ye kehna mushkil hai. Saath hi company ne bhi koi official statement nahin jaari ki hai, ki naye plan mein puraane ke mukaable kya better hai ya improvements hain aur isi ka sabko intezaar bhi hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: