Ab India Mein Bhi Release Hone Jaa Raha Hai PUBG Lite, Iss Date Tak Kar Sakte Hain Registration

Iss baat mein koi doubt nahi hai ki aaj PUBG online internet ki duniya mein most popular game ban chuka hai, jahaan aap 100 player ke beech kis tarah survive kar paate hain iss base par depend karta hai. Pehle yeh game sirf desktop systems ke liye available tha lekin kuch samay pehle game ki popularity ko dekhte huye iss game ka mobile version bhi launch kiya gaya tha. Initially yeh game kaafi heavy database ke saath aata tha, jiske liye aapko high end specs desktop chaiye hota tha, lekin samay ke saath PUBG fans ke liye iss game ko moderate kiya gaya hai. Ab company finally India mein PUBG Lite ko release karne jaa rahi hai.

PUBG Lite ko 4th July ko release kiya jaayega. PUBG Lite run karne ke liye aapko high end system ki jarurat nahi padegi, aap ise kisi bhi low end configuration system par bhi run kar sakte hain. PUBG Lite pehle hi kaafi countries mein launch kiya jaa chuka hai, ab ise India, Bangladesh, Pakistan, Bhutan, Maldives, Sri Lanka, Nepal aur Afghanistan mein release kiya jaayega. PUBG Lite ke India release ko le kar company apne facebook par already ek post live kar chuki hai, jismein Taj Mahal ke picture ke saath PUBG Lite Coming Soon likha hua hai.

Company ne PUBG Lite ke liye registration lena shuru kar diye hai. PUBG Lite ka last registration 3rd July 11:59 PM tak accept kiya jaayega. Registration ke liye aapko PUBG ki official website par jaa kar registration karna hoga, jiske baad new players ko free skin aur kuch rewards diye jaayenge.

Pre-registration rewards ki baat karein to aapko ismein Tiger finish M416 skin milti hai saath hi ek Cheetah finish parachute bhi milta hai. Agar registration karane wale users ke numbers 100K se jayada ho jaate hain to PUBG players ko Black scarf, Punk Glasses, Bloody Combat paint gift ke form mein diya jaayega. Iske alawa agar yeh registration 2ooK se jyada pahunch jaata hai to players ko Gold PUBG scarf, stripped long sleeve shirt aur red sport top diya jaayega. Inn sabhi game rewards ke liye users ko code e-mail diya jaayega. Yeh code aapko 11th July ko milega jiske through aap skin aur reward ke liye redeem kar sakenge.

Agar aap bhi PUBG Lite ke liye registration karna chahte hai to neeche diye gaye link par click kar ke registration kar sakte hain.

Click Here : https://lite.pubg.com/

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: