Ab Huawei Aur Honor Ke Smartphones Mein Nahin Hoga Google Play Store Ya Koi Bhi Android Apps

Huawei aur iski sub-brand Honor, dono ke hi aane waale smartphones mein ab Google Play Store, Maps, YouTube, Gmail ya Google ki koi other apps nahin milengi. US Government ke instructions ke chalte, ab Google, Huawei ke saath aage kaam nahin karegi.

Well, aap bhi iska reason to zaroor jaanna chahte honge? Aaiye aapko bataate hain.

Is samay Chinese smartphone maker, Huawei, world ki second largest company hai aur inke sabhi smartphones mein, inhin ke apne Kirin chipsets hote hain, lekin phir bhi ye company other smartphone parts ke liye U.S. par kaafi had tak rely karti hai.

Aaj U.S. Government ne Huawei ko blacklist kar diya hai aur reason diya hai ki kisi bhi tarah se Huawei mein Chinese Government involved hain ya iske stakes hain, aur yahi kaaran hai ki other countries mein Huawei, privacy ko lekar ek bada threat ban sakta hai. Yahi reason hai, ki U.S. ki ab koi bhi company, Huawei ko smartphone software, chipsets ya parts nahin degi.

Halaanki Huawei aur Honor ke jo phones, ab tak Google dwara certified ho chuke hain, unmein aapko ye services milengi, lekin aage aane waale phones mein inhein hata diya jayega.

Lekin iske jawaab mein Huawei ne bhi ek official statement jaari ki hai, “Agar Google ki Android services se Huawei ko ban kar diya jaata hai, to company bahut jaldi hi apna mobile operating system launch develop karegi. Saath hi Huawei apne existing customers ko promise karti hai ki, current users ko in services par Google aage update bhi dega. Jo phones aa chuke hain, ya Google se certified ho chuke hain aur jaldi hi launch hone jaa rahe hain, unmein aapki services continue bhi hongi aur aage update bhi hongi.”

Huawei is samay world ki second largest smartphone company hai aur 2021 tak is company ka aim, top par pahunchne ka tha, lekin U.S. Government ke is faisle se aur in smartphones par Android ban hone se kaafi fark padne waala hai. Aapki is par kya raay hai, comments ke through share kar sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: