Aapke Smartphone Mein Use Hone Wali Display LCD Hai Ya AMOLED Ya Retina Display, Jaane Kya Hai Inmein Difference

Har din launch ho rahe smartphones mein nayi nayi technology ka use kiya jaa raha hai. Inn technologies mein chipset se le kar camera quality tak ko change kiya jaa raha hai. Isi ke saath hi smartphones mein aane wali display bhi ab din par din change hone lagi hai. Jahan pehle aapko TFT screen dekhne ko milti thi wahin aaj AMOLED aur Retina display ki baat hone lagi hai. Lekin kya aapko actually mein inn sabhi ke beech difference pata hai, agar nahi to aap iss article ko poora read karein jis se aapko pata chal sake ki aapke smartphone mein use ho rahi display ki kya khaasiyat hai. Ismein aaj hum bataenge LCD, AMOLED aur Retina displays ke baare mein. Kisi bhi display ki quality ko judge karne ke liye 3 factor use kiya jaate hain jinmein display ka viewing angle, display ki ppi (Pixel Per Inch) means pixel density aur uski power consumption main factor hote hain.

 

 LCD 

LCD ka use kaafi purana ho chuka hai. Iss technology mein display panel ke peeche back light lagi hoti thi jiski help se hum screen ko dekh sakte the. LCD ka ek upgrade variant hai TFT-LCD (Thin Film Transistor Liquid Crystal Display). Yeh display technology shuruaati smartphones mein use hoti thi. Regular LCD ke compare mein yeh thodi jyada thin hoti hai aur saath hi jyada power ko consume karti hai. Normal LCD ke compare mein yeh behtar quality aur better resolution provide karti hai. Jyadatar low budget smartphones mein aapko iss tarah ki display dekhne ko milegi. Iske baad market mein aayi IPS LCD. Iska poora naam hain In Plain Switching Liquid Crystal Display. Baat karein iske viewing angle ki to aapko ismein 170-178 viewing angle dekhne ko milta hai. Jo ki LCD aur TFT ke compare mein better viewing experience provide karta hai. Lekin yeh display panel bhi kaafi power ko consume karta hai.

TFT LCD Display Phone

LCD mein layers ki wajah se viewing angle limited bana rahta hai jis se aap picture ki depth ko analyse nahi kar paate hain. Lekin yeh display kaafi accurate aur natural colour reproduction karti hai. Ismein high resolution par bhi pixel lower aperture ke saath hi dekhne ko milte hain. Iske alawa image retention, LCD mein hone wali ek common short term problem hai.

 

AMOLED

Active Matrix Organic Light Emitting Diode ko in-short AMOLED kaha jaata hai. LCD ki tarah ismein backlight ka use nahi kiya jaata hai. Sath hi ismein use hone wale pixel accordingly colour, contrast, saturation jaise factor ko balance kar lete hain jis se power consumption kam hoti hai. AMOLED mein RGB colours ko iss tarah set kiya jaata hai ki wah individual pixel ko automatically create kar sakein. AMOLED display mein ek organic film ko iss tarah set kiya jaata hai ki power on karne par wah light produce kar sake. Ismein use hone wale Active Matrix technology mein TFT ko capacitor ke saath iss tarah arrange karte hain ki power on karne par pixel retain cycle jyada precise aur accurate ho.

AMOLED Display Phone

AMOLED mein use hone wali plastic kaafi thin aur light weight hoti jis se shock aur breakage ka risk kam ho jaata hai. Individual pixel control ki wajah se aapko high definition resolution (HDR) dekhne ko milta hai. Iske saath hi AMOLED display aapko wide colour gamut aur behtar viewing angle provide karti hai.  Saath hi yeh kaafi kam energy ko consume karta hai.

 

Retina Display

Basically jab kisi display ki pixel density kaafi jyada hoti hai to use hum Retina display kahte hain. Iss tarah ki display ka use sabse pehle Apple company ne iPhone 4 mein kiya tha. Iske baad Samsung ne bhi iss Retina display ko apne devices mein dena shuru kar diya hai. Heavy density pixel hone ki wajah se display kaafi bright aur prominent nazar aati hai. Samsung ke latest smartphone Samsung Galaxy  S10 mein 551 ppi density dekhne ko milti hai. Motorola ke smartphones mein iss technology ko colour boost technology naam diya gaya hai.

Retina Display Phone

 

Retina display ke baad company ne HD Retina aur Super HD Retina display ko bhi launch kiya tha. iPhone X mein milne wali display ko Super HD Retina display ki category mein rakha gaya hai. Super HD Retina Display aapko best viewing angle aur  wide colour gamut provide karti hai.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: