Aane Wale Election Mein Aapko Dikhai De Sakti Hain Kareena Kapoor Khan, Aakhir Kis Political Party Ki Representative Hongi Kareena

Jaisa ki hum sabhi jaante hain ki iss samay desh mein election ka time chal raha hai. Haal hi mein Vidhan sabha election mein Congress party ko kaafi jagah jeet mili hai. Issi beech aane wale election ke liye yeh khabar aapko thodi shocking lag sakti hai. Sources ke according mana jaa raha hai ki aane wale L0k Sabha election mein Kareena Kapoor Khan yeh election lad sakti hai.

 

Ji ha jaldi hi iss khabar ki confirmation Lok Sabha election se pehle kar di jaaegi. Congress Party ne Kareena Kapoor Khan ko Madhay Pradesh ke Bhopal se election contestant ke liye offer kiya hai. Lekin Bhopal hi kyun? Jaisa ki hum sabhi jaante hain ki Kareena Kapoor Khan Pataudi family ki bahu hain, wahin Pataudi family ka Bhoplal se purana rishta raha hai. Aapko bata dein ki Saif Ali Khan ke father Mansoor Ali Khan Pataudi ka janam Bhopal mein hi hua tha, isi ke saath saath unke grandfather bhi Bhopal ke Nawab rah chuke hain. Jiski wajah se Pataudi family kabhi kabhi Bhopal mein dikhai deti hai

 

Inn sabhi reasons ki wajah se Congress Party chahti hai ki Kareena Kapoor Khan Bhopal se election ladein. Bollywood mein Kareena Kapoor Khan ki achi khaasi fan following hain, jiska seedha impact inn election par padega.

 

Madhay Pradesh mein beete kuch samay se BJP ka raaj bana hua tha. Wahin Congress party ke liye Kareena Kapoor Khan ka unki party se election ladna ek postive point sabit ho sakta hai jo unhe Lok Sabha election jeetne mein kaafi help karega. Yeh unki party ke liye votes ke numbers ko bhadane mein bhi madat kar sakta hai. 1991 mein Mansoor Ali Khan ne bhi Bhopal se election mein participate kiya tha lekin uss samay BJP se nominate kiye gaye leader Sushil Chandra Verma ne unhe 1 lakh votes se haraya tha.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: