Aamir Khan Ne Dikhaaya Vivo V15 Pro Ka First Look, Naye Video Teaser Mein

Vivo ka naya smartphone, Vivo V15 Pro, February 20 ko India mein launch hone jaa raha hai. Is smartphone ka leaked poster aur Geekbench scores pehle leak ho chuka hai. Lekin aaj Vivo ke brand Ambassdor, Bollywood actor Aamir Khan ke haathon mein Vivo V15 nazar aaya. Vivo ka ye upcoming smartphone world ka first smartphone hai, jismein 32 MP ka pop-up selfie camera diya gaya hai.

Vivo V15 Pro ko lekar is samay Indian market mein kaafi excitement hai aur leaked image mein ye bhi saaf hai ki ye smartphone in-display fingerprint scanner ke saath aayega. Is smartphone ka official teaser aur advertisement aaj release hua hai, jise aap neeche dekh sakte hain, jismein Aamir Khan ke haathon mein V15 Pro nazar aaya. Is smartphone ke AI triple rear cameras aur pop-up selfie shooter is ad mein aap dekh sakte hain.

Isse pehle benchmarking site ke thourgh ye bhi saamne aa chuka hai ki is upcoming smartphone mein Android 9.0 Pie operating system aur Octa Core Qualcomm Snapdragon 675 processor aane waala hai. Saath hi ye handset 6GB RAM ke saath release kiya jayega.

Iske alawa advertisement mein V15 Pro ka Blue color gradient finish ke saath nazar aa raha hai. Saath hi ultra slim bezels ke saath full view display bhi kaafi stunning lag rahi hai.

 

Iske alawa maana jaa raha hai ki, V15 model bhi launch kiya jaa sakta hai, jo ki iska cheaper version hoga. Vivo V15 Pro ka price 25K to 30K ke beech ho sakta hai, jabki V15 ko 20K to 22K ke price segment mein launch kiya jaa sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: