Aaj Eid Ke Mouke Par Release Huyi Movie Bharat Kesi Hai, Yahaan Jaane

Aaj Eid ke mouke par Salman Khan ki Movie ‘Bharat’ release huyi hai. Movie ke charcha mein bane hone ka main reason hai Salman Khan ka look, jise iss poori movie ke duaraan alag alag form mein dekha jaa sakta hai. Movie mein unke opposite aapko Katrina Kaif dikhai deti hai, saath hi Disha Patani bhi kuch scene mein nazar aati hai.

Iss movie mein Jackie Shroff ne Salman Khan (Bharat) ke pita ka role play kiya hai. Iske alawa aapko movie mein Sunil Grover bhi nazar aate hain. Iss movie ko Ali Abbas Zafar ne direct kiya hai.

 

Movie ki kahani 70 year ke Salman Khan se shuru hoti hai, jahaan woh apna 70th birthday celebrate karte hain. Birthday celebration ke liye wah Atari Station par jaate hain aur train ke saath run karte huye cake ko cut karte hain. Wah aisa kyun karte hain, yeh batane ke liye movie flashback mein jaati hai jahaan unn dinon ki baat shuru hoti hain jab India aur Pakistan mein partition chal raha tha. Uss samay wah kaafi chote the. Partition ke duaraan unke pita aur ek behan Pakistan mein chale jaate hain aur mother aur ek choti sister India mein aa jaate hain. Alag hote samay unke pita unse ek promise lete hain ki wah poori life apni maa aur behan ka khayal rakhenge. Bas issi promise par poori movie banayi gayi hai.

 

Bachpan se le kar jawani tak ki life mein Salman Khan ko alag alag look ke saath dikhaya kiya gaya hai. Apne young age time par unhe Katrina Kaif se pyar bhi hota hai, jahaan yeh dono aapko movie mein romance karte huye bhi nazar aate. Aap movie ke end tak iss baat kat wait karte hain ki yeh dono happy ending ki tarah shadi karenge, lekin aisa nahi hota hain jo ki thoda ajeeb lagta hai. Sunil Grover jab jab screen par aapko dikhai dete hain to aap hasne ke liye majboor ho jaate hain, Wahin unke hisse mein aaye kuch aise scenes bhi hain jo movie ko emotional aur over dramatic hone se bachate hain.

Issi ke saath aap jab jab Jackie Shroff ko dekhte hain to movie emotional hone ke saath serious hoti huyi dikhayi deti hai. Movie mein kuch scene itne emotional hain ki aap khud ko rone se rok nahi paate hain. Movie ke ek part mein aa kar aapko over drama feel hota hai, jahaan kuch baaton ka base aapko dikhai nahi deta. Ek aadmi jo circus mein kaam karta hain wah achaanak se Navy mein kese aa jaata hai. Saath hi 70 saal ke Salman Khan apni umar ke according fight karte huye justify nahi kar paate hain.

 

Time period ke saath portray ki gayi yeh movie aapko beete samay se relate karne par bhi majboor kar deti hai. Saath hi movie ek message bhi deti ki har baat ka solution ladayi nahi ho sakti hai, kuch ladaiyaan pyar, mohhabat aur hindi filmi songs ke saath bhi khatam ki jaa sakti hain. Over all baat ki jaaye to aap iss movie ko apni family ke saath enjoy kar sakte hain, jahaan yeh movie one time watch deserve karti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: