Aa Raha Hai Realme 3: MediaTek Helio P70 Chipset & Diamond-Cut Design Ke Saath Hoga Launch

Realme 1 aur Realme 2 ke baad, fans ko Realme 3 ka besabri se intezaar hai. Aur aaj isi smartphone se related post Realme ke CEO Madhav Seth ne official Twitter account par share kiya. Ab lag raha hai ki company is smartphone ko launch karne ke liye taiyaar hai, aur aaj iska first official teaser bhi saamne aa chuka hai.

Twitter handle par Realme CEO, Madhav Seth ne, Realme 3 ki first teaser image share ki hai, jise aap upar dekh sakte hain. Is image mein likha hai ‘Reintroducing, our fans ‘ favorite diamond-cut design’. Iska matlab yahi hai ki Realme 3 diamond-cut pattern ke saath launch kiya jayega. Saath hi is image mein aap dekh sakte hain, ki dual rear cameras aur LED flash light, top left corner par hain aur rear mounted fingerprint sensor center par fit kiya gaya hai.

Iske alawa unhone ye bhi confirm kiya hai ki Realme 3 mein 12nm FinFet technology based MediaTek Helio P70 chipset moujood hoga, jo aap pehle Realme U1 mein bhi dekh chuke hain.

MediaTek Helio P70 chipset mein four Cortex A73 cores 2.1 GHz clock speed ke saath hote hain, jabki four Cortex A53 cores ko 2.0 GHz ki speed par clock kiya jaata hai. Isko lekar MediaTek ye bhi confirm kar chuka hai ki ye MediaTek Helio P60 ke mukaable 15-30% improved aur fast hai, saath hi AI technology bhi ismein aapko milti hai.

Halaanki abhi company ne launch date announce nahin ki hai, lekin official teaser aa chuka hai. Expect kiya jaa raha hai ki approximately two weeks mein Realme ka ye upcoming smartphone India mein launch kiya jayega.

Well, iske alawa abhi Realme 3 ke baare mein aur kuch saamne nahin aaya hai, lekin, hopefully iske launch se pehle, leaks ke zariye hum aapko is naye budget phone ke baare mein bataane ki koshish zaroor karenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: