A Series Ka Ek Aur mid Range Smartphone Samsung Galaxy A20e Hua Announce, Jaane Price Aur Specifications

Europe mein organize kiye gaye event mein kal Samsung ne Samsung Galaxy A80 ke saath Galaxy A20e ko bhi announce kiya hai. Samsung Galaxy A20e last month launch kiye gaye Galaxy A20 ka hi ek lower variant hai. Iss phone ko company ne budget range smartphone ki category mein announce kiya hai. Iss phone mein aapko water drop notch display aur finger print scanner jaise features dekhne ko mil jaate hain.

Samsung Galaxy A20e mein 5.8 inch ki HD+ infinity-V TFT display di gayi hai. Iss phone mein Octa core Exynos 7884 chipset ka use kiya gaya hai. Lower version mein present karne ki wajah se aapko iss phone mein 3GB RAM ke saath 32GB on-board storage dekhne ko milti hai haalanki iski storage ko aap microSD card ki help 512GB tak expand kar sakte hain.

 

Photography ke liye aapko iss phone mein dual rear camera setup milta hai. Primary camera 13MP ka diya gaya hai jiska lens aperture size f/1.9 hai. Yeh camera LED flash ke saath aata hai. Secondary camera 5MP ka diya gaya hai jo ki ultra wide angle lens ke saath aata hai. Iska lens aperture size f/2.2 hai. Baat karein agar front facing camera ki to wah 8MP ka milta hai jiska lens aperture size f/2.0 diya gaya hai.

 

Samsung Galaxy A20e mein Bixby 2 ka support diya gaya hai. Phone mein 3000mAh ki battery di gayi hai jo ki 15W ki fast charging ko support karti hai. Charging ke liye iss phone mein USB type-C port   aapko milta hai. Iss phone mein Samsung One UI based Android 9 Pie operating system diya gaya hai. Phone mein dual Sim ka support milta hai saath hi yeh dual 4G VOLTE ko bhi support karta hai. Iske alawa iss phone mein dual band Wi-Fi, Bluetooth 5, GPS jaise connectivity option bhi mil jaate hain. Saath hi audio output ke liye dedicated speakers ke alawa 3.5mm headphone jack ka option bhi diya gaya hai.

 

Samsung Galaxy A20e ko company ne 2 color variants mein announce kiya hai jahaan appko Black aur White color dekhne ko milenge. Europe mein iss phone ki price 179 Euros (Rs. 13,910 approx.) rakhi gayi hai. Europe mein yeh phone April ke last week se sale ke liye available ho jaayega. Iss phone ke alawa Samsung ne kal Samsung Galaxy A40 aur A70 ko bhi announce kiya hai. Inn sabhi phones ki global launch ke baare mein company ne abhi koi jaankari nahi di hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: