8th May Ko India Mein Launch Ho Sakte Hain Google Pixel 3A Aur Pixel 3A XL, Flipkart Par Show Hua Notification Page

Kuch din pehle hi Google ki taraf se humein ek teaser image dekhne ko mili thi jismein company ne post kiya tha ki company jaldi hi kuch bada announce kar sakti hai. Issi image ko e-commerce website Flipkart par aaj post kiya gaya hai. Image mein 7 days to go ko highlight kar ke likha gaya hai saath hi 8th May ki date mention ki gayi hai. Expect kiya jaa raha hai ki Pixel series mein company kuch interesting hardware ko launch kar sakti hai.

8th May ko Google ki Annual Developer Conference hain jismenn company ki taraf se kuch multiple announcement dekhne ko mil sakte hain.  Abhi tak saamne aayi leaks ki maane to company iss din Google Pixel 3 ke lower variant Pixel 3A aur Pixel 3A XL ko launch kar sakti hai.

 

Flipkart ke home page par yeh poster Losing sight After Twilight ki tag line ke saath diikhai deta hai. Saath hi Something Big Is Coming ki headline leak ke first day se highlight mein bani huyi hai. Haalanki phone ke specs ya price ko le kar abhi tak koi bhi khulasha nahi kiya gaya hai. Lekin rumors ki maane to company inn phones mein Qualcomm Snapdragon 670 aur Snapdragon 710 chipset de sakti hai. Wahin Google Pixel 3A ki last leaks ki according yeh phone 5.6 inch ki full HD+ display ke saath launch kiya jaa sakta hai. Issi ke saath Google Pixel 3A XL mein 6 inch ki FHD+ display dekhne ko mil sakti hai.

 

8th May ko hone wale launch mein company inn phones mein Black, White ,Blue ya Purple color ke option de sakti hai. Saath hi phone lower variant mein launch kiye jaane ki wajah se 4GB RAM aur 64GB internal storage ke saath announce kiye jaa sakte hain. Saath hi dono devices ki price $500 (~Rs 35,000) se $600 (~Rs 42,000) ke beech mein rakhi jaa skati hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: