6GB RAM Aur Four Cameras Ke Saath 10,000 INR Se Kam Price Mein Launch Hoga Ye Phone

Transsion Holdings ki brand Infinix jaldi hi India mein apna naya smartphone launch karne jaa rahi hai. Ye phone isi month launch hoga aur iska naam hai Infinix Hot 7 Pro. Is smartphone ki launch date abhi reveal nahin hui hai, lekin Indonesia mein launch ho chuke is handset ke complete specs aap neeche dekh sakte hain.

Infinix Hot 7 Pro mein 6.2 inch ki HD+ display, wide notch ke saath milegi aur ise power dene ke liye yahaan MediaTek Helio P22 chipset diya gaya hai. Is smartphone mein aapko 6GB RAM ke saath 64GB internal memory di gayi hai, jo ki expandable bhi hai.

Camera section ki baat karein to, Infinix Hot 7 Pro mein two rear cameras ke saath two selfie cameras bhi hain. Rear par aur front par, 13 MP ke primary aur 2 MP ke secondary cameras fitted hain. Yahaan ye 2 MP ke depth sensors aapko portrait shots mein help karenge.

Iske alawa is handset mein 4000mAh ki battery bhi hai, lekin fast charging yahaan nahin hai. Saath hi ye triple card slots ke saath aata hai. Yaani ki Infinix Hot 7 Pro mein aapko two SIM slots aur dedicated microSD card slot milta hai.

Iske alawa connectivity features mein micro USB slot, Bluetooth 5.0, 3.5mm audio jack, Wi-Fi 802.11 a/b/g/n jaise options milte hain.

Yahaan par notice karne waali baat ye hai ki, 10K ke price mein ye first phone hoga, jo ki 6GB RAM aur 64GB storage ke saath aayega. Halaanki iska exact price humein launch ke samay hi pata chal sakega.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: